धमक्यांवर धमक्या, अभिनेता सलमान खानला धमक्या कोण आणि का देत आहे,पोलीस म्हणाले….

(संग्रहित दृश्य.)

नव्याने आलेल्या धमकीमागेही लॉरेन्स बिश्नोई गँग….

 अभिनेता सलमान खानला नव्याने आलेल्या धमकीमागेही लॉरेन्स बिश्नोई गँग असल्याची प्राथमिक माहिती आहे. गुरुवारी रात्री मुंबईच्या वाहतूक शाखेला हा धमकीचा मेसेज मिळाला. त्यात लॉरेन्स बिश्नोई गँगचा उल्लेख असल्याचंही बोललं जात आहे. यासंदर्भात वरळी पोलिसांत अज्ञात व्यक्तीविरोधात गुन्हा दाखल करण्यात आला असून त्याबाबत सविस्तर तपास सुरू करण्यात आला आहे. अशी माहिती मुंबई पोलिसांकडून देण्यात आली आहे.  बिश्नोई गँगचा म्होरक्या लॉरेन्स बिश्नोई हा गुजरातमधील तुरुंगात आहे. पण तो तुरुंगातून त्याची गँग चालवतो व कारवायांचं नियोजन करून त्या पूर्ण करण्याचे आदेशही देतो असे दावे केले जात आहेत. यासंदर्भात बिश्नोईचा तुरुंगातून केलेला एक व्हिडिओ कॉलही मध्यंतरी व्हायरल झाला होता. दुसरीकडे लॉरेन्सचा भाई अनमोल बिश्नोई हा अमेरिकेत असल्याची माहिती समोर आली असून त्याच्या प्रत्यार्पणासाठी भारत सरकारने पावलं उचलायला सुरुवातही केली आहे. लॉरेन्स तुरुंगात असताना त्याचा भाऊ बाहेर राहून गँगच्या गुन्हेगारी कृत्यांचं नियोजन करत असल्याचं सांगितलं जात आहे.