विजय शिवतारे अजित पवारांच्या विरोधात ठाम, मुख्यमंत्री एकनाथ शिंदेंच्या डोक्याला ताण !
TIMES OF AHMEDNAGAR | MAHARASHTRA | CHIEF MINISTER EKNATH SHINDE | DEPUTY CHIEF MINISTER AJIT PAWAR | SHIV SENA (EKNATH SHINDE) | NATIONALIST (AJIT PAWAR) | VIJAY SHIVATARE | BARAMATI LOK SABHA CONSTITUENCY | THE PHOTO USED IN THIS NEWS IS OBTAINED THROUGH SOCIAL MEDIA. WE DO NOT GUARANTEE ANY PHOTO.
लोकसभा निवडणुकांच्या घोषणे आधीपासूनच चर्चेत असलेला बारामती लोकसभा मतदारसंघाकडे आता शिवसेना (शिंदे गट) नेते विजय शिवतारे यांच्यामुळे विशेष चर्चेत आला आहे. २०१९ मध्ये ज्या अजित पवारांनी आव्हान देत विजय शिवतारे यांचा दारूण पराभव केला होता. आता त्याच अजित पवारांविरोधात विजय शिवतारेंनी शड्डू ठोकला आहे. विजय शिवतारे बारामती लोकसभा मतदारसंघातून निवडणूक लढवण्यावर ठाम आहेत. पण विजय शिवतारेंच्या याच भूमिकेमुळे आता त्यांच्या अडचणींत वाढ होण्याची शक्यता आहे. विजय शिवतारेंच्या भूमिकेमुळे महायुतीत तणाव निर्माण झाला असून राष्ट्रवादीच्या नेत्यांमध्ये प्रचंड नाराजी असल्याची माहिती समोर येत आहे. अशातच आता शिवतारेंवर शिवसेनेकडून शिस्तभंगाची कारवाई होण्याची शक्यता वर्तवली जात आहे.
स्त्रोत.सोशल मिडिया.
विजय शिवतारेंची माघार नाहीच.
लोकसभा निवडणुका जाहीर होण्यापूर्वीपासूनच बारामती मतदारसंघ चर्चेत होता. तो सुनेत्रा पवार आणि सुप्रिया सुळे या नणंद-भावजय अशा लढतीच्या चर्चांमुळे. सुनेत्रा पवार आणि सुप्रिया सुळे यांच्यात बारामतीची लढत रंगणार अशा चर्चांनी राजकीय वर्तुळात जोर धरला आणि अवघ्या राज्याच्या नजरा बारामतीवर खिळल्या. मात्र यामध्ये विजय शिवतारेंनी एन्ट्री घेतली आणि बारामतीचं पुरतं चित्रचं पालटलं. मी बारामतीतून निवडणूक लढणारच असा चंगच विजय शिवतारेंनी बांधला आहे. मात्र आता त्यांनी घेतलेल्या या निर्णयामुळेच त्यांच्या अडचणीत वाढ होणार आहे. शिवसेनेकडून शिवतारेंवर शिस्तभंगाची कारवाई होण्याची शक्यता आहे. स्वतः मुख्यमंत्री एकनाथ शिंदेंनी असे आदेश दिल्याची माहिती मिळत आहे.
स्त्रोत.सोशल मिडिया.
शिवतारेंवर शिस्तभंगाची कारवाई ?
बारामतीत अजित पवारांच्या पत्नी सुनेत्रा पवार यांना उमेदवारी द्यायची असा निर्णय महायुतीनं एकमतानं घेतला आहे. शिवसेनेनं महायुतीतला घटक पक्ष म्हणून सुनेत्रा पवार यांच्या उमेदवारीला पाठिंबा दिला आहे. अशा परिस्थितीत विजय शिवतारे जर अपक्ष म्हणून निवडणूक लढवणार असतील तर तो सरळ सरळ शिस्तभंग ठरतो. त्यामुळेच शिवतारेंवर शिस्तभंगाची कारवाई करण्याच्या सूचना मुख्यमंत्री एकनाथ शिंदेंनी दिल्याची माहिती मिळत आहे.
स्त्रोत.सोशल मिडिया.
शिंदेंच्या शिवसेनेचा प्रचार करणार नाही.
मुख्यमंत्री एकनाथ शिंदे यांच्या शिवसेनेचे नेते विजय शिवतारे यांच्या आक्रमक पवित्र्यानंतर आता अजित पवार यांच्या राष्ट्रवादी काँग्रेसनंही जशास तसं उत्तर देण्यास सुरुवात केली आहे. विजय शिवतारे यांना मुख्यमंत्र्यांनी समजावलं आहे. मात्र तरीही त्यांनी बंडखोरी केली तर त्याचे परिणाम राज्यभर उमटतील. शिंदे गटाच्या एकाही उमेदवाराचा प्रचार अजित पवारांची राष्ट्रवादी करणार नाही, अशी भूमिका पिंपरी चिंचवड चे आमदार अण्णा बनसोडे यांनी घेतली आहे.