मुंबई : अमेरिकेचे राष्ट्राध्यक्ष ट्रम्प यांचे सध्या हेच सुरू आहे. जगावर आपण लादलेल्या टॅरिफ युद्धामुळे अमेरिकेचे रोजचे उत्पन्न कसे दोन अब्ज डॉलर्स वाढले असे अर्धसत्य प्रे. ट्रम्प सांगत आहेत. मात्र टॅरिफ युद्धाची झळ पोहोचलेल्या चीनसह इतर देशांनी दिलेल्या ईट का जवाब पत्थरमुळे अमेरिकेचा खर्च किती अब्जांनी वाढला किती संभाव्य उत्पन्नावर अमेरिकेला पाणी सोडावे लागले अमेरिकन उद्योग-व्यवसाय आणि अर्थव्यवस्थेवर त्याचे दुष्परिणाम होत आहेत. विकास दर घटण्याची धोक्याची घंटा… हे सत्य ते अमेरिकन जनतेपासून लपवून ठेवत आहेत. कारण ते सांगणे त्यांच्यासाठी गैरसोयीचे आहे. भारतात जे पंतप्रधान नरेंद्र मोदी करीत आले आहेत. तेच डोनाल़्ड ट्रम्प अमेरिकेत करीत आहेत असा टोला शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी लगावला आहे. डोनाल्ड ट्रम्प हे विचारी राज्यकर्ते म्हणून कधीच परिचित नव्हते. एककल्ली आणि विक्षिप्त राजकारणी असाच त्यांचा बदलौकिक आहे. अमेरिकेच्या राष्ट्राध्यक्षपदाच्या पहिल्या टर्ममध्ये त्याचा अनुभव आला होता. आता दुसऱ्या टर्ममध्ये तर त्यांच्या अविचारी धोरणांनी उच्छाद मांडला आहे. संपूर्ण जगात त्याविरोधात संताप आहे. खुद्द अमेरिकेतही तेथील जनता ट्रम्पविरोधात रस्त्यावर उतरली. मात्र एवढे सगळे असूनही ट्रम्प महाशय आपल्या आर्थिक धोरणांचे खुले समर्थन करीत आहेत. आपण सुरू केलेल्या टॅरिफ युद्धात अमेरिकेचीच कशी सरशी होत आहे. पूर्वी नव्हता एवढा प्रचंड पैसा कसा अमेरिकन सरकारच्या तिजोरीत येत आहे. अशा वल्गना ते करीत असल्याचे सामना दैनिकातील अग्रलेखातून माजी मुख्यमंत्री उद्धव ठाकरे यांनी म्हटले आहे.
(संग्रहित दृश्य.)
अमेरिकन उद्योग व व्यवसाय आणि अर्थव्यवस्थेवर त्याचे दुष्परिणाम…
कुठलाही एककल्ली सत्ताधारी त्याचेच धोरण देशासाठी कसे भल्याचे आहे. असे तुणतुणे वाजवीत असतो. या धोरणाचे देशाला भोगावे लागणारे दुष्परिणाम त्यामुळे तेथील आर्थिक व सामाजिक घडी विस्कटण्याचा असलेला धोका एकतर त्यांना मान्य नसतो किंवा त्याकडे ते जाणीवपूर्वक दुर्लक्ष करतात. अमेरिकेचे राष्ट्राध्यक्ष ट्रम्प यांचे सध्या हेच सुरू आहे. जगावर आपण लादलेल्या टॅरिफ युद्धामुळे अमेरिकेचे रोजचे उत्पन्न कसे दोन अब्ज डॉलर्स वाढले असे अर्धसत्य प्रे. ट्रम्प सांगत आहेत असे या अग्रलेखात म्हटले आहे. टॅरिफ युद्धाची झळ पोहोचलेल्या चीनसह इतर देशांनी दिलेल्या ईट का जवाब पत्थरमुळे अमेरिकेचा खर्च किती अब्जांनी वाढला किती संभाव्य उत्पन्नावर अमेरिकेला पाणी सोडावे लागले अमेरिकन उद्योग व व्यवसाय आणि अर्थव्यवस्थेवर त्याचे दुष्परिणाम होत आहेत. विकास दर घटण्याची धोक्याची घंटा… हे सत्य ते अमेरिकन जनतेपासून लपवून ठेवत आहेत. कारण ते सांगणे त्यांच्यासाठी गैरसोयीचे आहे. भारतात जे पंतप्रधान मोदी करीत आले आहेत तेच प्रे. ट्रम्प अमेरिकेत करीत आहेत. सोयीचे तेवढे बोलायचे आणि गैरसोयीचे झाकून ठेवायचे. त्यावर मौनीबाबा व्हायचे. दोघेही त्याअर्थाने असत्याचे वारसदार आहेत. बहुदा त्यामुळेच मोदी हे ट्रम्प यांचे जवळचे मित्र असावेत आणि मोदीही ट्रम्प भारताला देत असलेल्या तडाख्यांबाबत अवाक्षर काढत नसावेत अशी बोचरी टीका उद्धव ठाकरे यांनी केली आहे.
