शिंदे, पवार की फडणवीस यापैकी कोण मुख्यमंत्रीपदासाठी बाजी मारणार ? हे आता…….

(संग्रहित दृश्य.)

सध्याच्या राजकीय व सामाजिक परिस्थितीत भाजपने….

पण देवेंद्र फडणवीस यांना पक्षांतर्गत काही प्रमाणात विरोध असून मराठा समाजाचे नेते मनोज जरांगे व अन्य कार्यकर्त्यांची फडणवीस यांच्याबाबत नाराजीची भावना आहे. या नाराजीचा फटका बसल्याने लोकसभा निवडणुकीत मराठवाड्यात भाजपची वाताहत झाली आहे. त्यामुळे देवेंद्र फडणवीस यांना आत्ता मुख्यमंत्रीपदाचा उमेदवार जाहीर केल्यास मराठा समाजाच्या नाराजीचा फटका निवडणुकीत बसू शकतो. त्याचबरोबर शिंदे-पवार गटातील पदाधिकारी व नेतेही त्यामुळे नाराज होवून निवडणुकीत अपेक्षेप्रमाणे काम न करण्याची शक्यता आहे. एकनाथ शिंदे किंवा अजित पवार यांना मुख्यमंत्रीपद घोषित केल्यास भाजपमध्ये मोठ्या प्रमाणावर नाराजी पसरून त्याचा फटका निवडणुकीत बसू शकतो. भाजपने २०१४,१९ व २४ मध्ये झालेल्या लोकसभा निवडणुकीत नरेंद्र मोदी यांना पंतप्रधानपदाचे उमेदवार घोषित केले आणि निवडणुकीत बहुमत मिळविले. विधानसभा निवडणुकीत २०१४ मध्ये मुख्यमंत्रीपदाचा उमेदवार जाहीर केला नाही व त्यावेळी बहुमत मिळाले नाही. देवेंद्र फडणवीस यांना २०१९ मध्ये मुख्यमंत्रीपदाचा उमेदवार जाहीर करण्यात आले व भाजप-शिवसेना युतीला बहुमत मिळाले. नंतर शिवसेना महाविकास आघाडीत गेल्याने भाजपची सत्ता आली नाही. पण मुख्यमंत्रीपदाचा उमेदवार जाहीर केल्यावर बहुमत मिळूनही या निवडणुकीत मात्र सध्याच्या राजकीय व सामाजिक परिस्थितीत भाजपने मुख्यमंत्रीपदाचा उमेदवार जाहीर करणे टाळले आहे. देवेंद्र फडणवीस यांना विजयी करायचे आहे, अशी भावना राज्यातील जनतेमध्ये दिसली. असे वक्तव्य करून केंद्रीय गृहमंत्री अमित शहा यांनी फडणवीस यांना मुख्यमंत्रीपद देण्याचे संकेत दिले आहे. भाजप कार्यकर्त्यांमध्ये उत्साह निर्माण करण्यासाठी हा प्रयत्न असला तरी फडणवीस यांच्या मुख्यमंत्रीपदाच्या मार्गात अनेक अडथळे आहेत. गेल्या काही वर्षात अन्य राज्यांमध्ये झालेल्या विधानसभा निवडणुकीनंतर भाजप पक्षश्रेष्ठींनी नवीन चेहऱ्यांना मुख्यमंत्रीपदाची संधी दिली आहे. तसा प्रयोग महाराष्ट्रा सारख्या राज्यात केला जाण्याची शक्यता खूपच कमी आहे. शह-काटशहाच्या राजकारणात एकनाथ शिंदे, अजित पवार की देवेंद्र फडणवीस यापैकी कोणी मुख्य मंत्रीपदासाठी बाजी मारणार?  की नवीन नेत्याच्या गळ्यात माळ पडणार, हे आता निवडणुकीनंतर ठरणार आहे.