अहमदनगर मतदारसंघातील १६४  मतदान केंद्रांवर वेब कॅमेरा द्वारे नजर ठेवली जाणार, आणि शिर्डी मतदार संघात हि वेबकास्टींग कॅमेऱ्यांची नजर……

TIMES OF AHMEDNAGAR

अहमदनगर दि. १२ मे – ३७ अहमदनगर व ३८ शिर्डी लोकसभा मतदारसंघांसाठी १३ मे २०२४ रोजी मतदान होणार असुन या मतदान केंद्रावर वेबकास्टींग कॅमे-याद्वारे प्रशासनामार्फत करडी नजर ठेवण्यात येणार असल्याची माहिती जिल्हााधिकारी तथा जिल्हा निवडणूक अधिकारी सिद्धाराम सालीमठ यांनी दिली आहे.
भारत निवडणूक आयोगाने एकूण मतदान केंद्रांच्या ५० टक्के मतदान केंद्रांवर वेबकास्टिंग करण्याच्याए सूचना दिल्या आहेत. अहमदनगर व शिर्डी लोकसभा मतदारसंघासाठी होत असलेल्या मतदानासाठी ३ हजार ७३४ मतदान केंद्र राहणार आहेत. त्यापैकी अहमदनगर लोकसभा मतदारसंघात एकूण २ हजार २६ व शिर्डी लोकसभा मतदारसंघात १ हजार ७०८  मतदान केंद्र आहेत.

स्त्रोत सोशल मिडिया 

मतदान केंद्रांवर वेबकास्टिंग कॅमेरे लावण्यात आले आहेत.

अहमदनगर मतदारसंघातील १ हजार १८ मतदान केंद्रांवर तर शिर्डी मतदार संघातील एकूण ८५६ मतदान केंद्रांवर वेबकास्टिंग कॅमेरे लावण्यात आले आहेत. याशिवाय पाचपेक्षा जास्त मतदान केंद्र एकाच शाळेत किंवा इमारतीत असणा-या अहमदनगर मतदारसंघातील १७२ मतदान केंद्रांवर व शिर्डी मतदार संघातील १३४  मतदान केंद्रांवरही वेबकॅमेरे लावण्यात आले आहेत. याशिवाय निवडणूक निरीक्षक यांच्या सूचनेनुसार अहमदनगर मतदारसंघातील १६४  मतदान केंद्रांवर वेब कॅमेरा द्वारे नजर ठेवली जाणार आहे.

स्त्रोत सोशल मिडिया 

मतदान केंद्रावर कुठलाही अनुचित प्रकार घडू नये……

मतदान केंद्रात मतदान प्रक्रिया निवडणूक आयोगाच्या निर्देशाप्रमाणे व गोपनीयतेचा भंग न होता मतदान प्रक्रिया पार पाडली जात आहे हे याद्वारे सुनिश्चित केले जाते. तसेच मतदान केंद्रावर कुठलाही अनुचित प्रकार घडू नये यासाठी उपाययोजना करणे व घडल्यास संबंधिताविरुद्ध योग्य कारवाई करण्यासाठी देखील याचा वापर करण्याबत येणार असल्याचे श्री सिद्धराम  सालीमठ यांनी कळविले आहे.