जर्मन तरुणीवर महाराष्ट्रातील तरुणांनी थायलंडमध्ये केला बलात्कार ? भोईटे आणि घोरपडे थायलंड पोलिसांच्या ताब्यात,भोईटे म्हणाला मी फक्त मिठी आणि चुंबन…..

(संग्रहित दृश्य.)

भोईटे आणि घोरपडे यांचा परदेशात कारनामा…..

कोह फांगन पोलीस स्टेशनच्या अधीक्षकांनी सुरुवातीला रीन बीचवरील सीसीटीव्ही फुटेज तपासले. जर्मन तरुणीने आरोप केल्याप्रमाणे गुन्ह्याच्या ठिकाणावरुन पळून जाणाऱ्या दोन संशयित भारतीय पुरुषांची ओळख पटवली. हे दोन्ही भारतीय पुरुष रिन बीचवरुन कोह फांगनकडे मोटारसायकलने गेले. कोह फांगन जिल्ह्यातील गाव क्रमांक १ मधील बंगल्यात राहिले. त्यानंतर १५  मार्च रोजी कोह फांगन पोलीस ठाण्यात या दोघांना चौकशीसाठी बोलावण्यात आले. या दोघांनी उडवाउडवीची उत्तरे दिली. परदेशी महिला शुद्धीवर नसल्यामुळे ओळख पटवता आली नव्हती. त्यानंतर या दोघांना निवासस्थानी परतण्याची परवानगी देण्यात आली होती. १६ मार्चला पीडित जर्मन तरुणी शुद्धीवर आली. यावेळी पोलिसांनी विजय घोरपडे आणि राहुल भोईटे या दोघांना परत चौकशीसाठी बोलावून घेतले. त्यावेळी तरुणीने या दोघांची ओळख पटवली. यानंतर पोलिसांनी घोरपडे आणि भोईटे यांना ताब्यात घेऊन चौकशी सुरु केली. त्यावेळी विजय घोरपडे यांनी आपल्यावरील आरोप मान्य केले. तर राहुल भोईटे यांनी आरोप नाकारले. परंतु, पिडीतेला मिठी मारल्याचे आणि तिचे चुंबन घेतल्याचे कबूल केले. पण पीडितेने प्रतिकार केला म्हणून आम्ही तिच्यावर बलात्कार केला नाही असा दावा राहुल भोईटे यांनी केला. यानंतर पोलिसांनी हिंसेचा वापर करुन बलात्कार केल्याप्रकरणी या दोघांवर गुन्हा दाखल केला. संबंधित पीडित तरुणी येत्या काही दिवसांत जर्मनीला परतणार आहे. त्यापूर्वी न्यायालयीन प्रक्रिया पूर्ण होण्याची शक्यता आहे. त्यामुळे थायलंड पोलिसांनी सध्या विजय घोरपडे आणि राहुल भोईटे यांना तुरुंगात डांबले आहे.