बडगुजर छोटा मासा आहे,त्यांच्यावर वरदहस्त ठाकरेंचे असल्याचे नाव न घेता भूसेंची टीका.
ठाकरे गटाच्या पदाधिकाऱ्याचे दाउदच्या टोळीशी संबंध नितेश राणेंचे गंभीर आरोप.
महाराष्ट्र विधीमंडळ अधिवेशनात आज (१५ डिसेंबर) भाजपा नेते आणि शिवसेनेच्या शिंदे गटाने शिवसेना उद्धव बाळासाहेब ठाकरे पक्षाला कोंडीत पकडण्याचा प्रयत्न केला होता. भाजपा आमदार नितेश राणे यांनी ठाकरे गटाचे नाशिकमधील पदाधिकारी सुधाकर बडगुजर यांचे काही फोटो दाखवत त्यांच्यासह ठाकरे गटावर गंभीर आरोप केले. राणे यांनी सुधाकर बडगुजर यांचे १९९३ च्या बॉम्बस्फोट प्रकरणातील मुख्य आरोपीसोबतचे कथित फोटो दाखवून वेगवेगळे प्रश्न उपस्थित केले.
ठाकरे गटाच्या पदाधिकाऱ्यांचे कुख्यात गुंड दाउद इब्राहीमशी संबंध ?
नितेश राणे म्हणाले, मुंबईत १९९३ ला ज्याने बॉम्बस्फोट घडवला त्या अंडरवर्ल्ड डॉन दाऊद इब्राहिमचा जवळचा साथीदार सलीम कुट्टा हा जेव्हा पॅरोलवर बाहेर 
होता, त्याच्या पॅरोलच्या शेवटच्या दिवशी त्याने एका माणसाबरोबर पार्टी केली. तो माणूस म्हणजे उद्धव बाळासाहेब ठाकरे सेनेचा नाशिकचा महानगरप्रमुख सुधाकर बडगुजर आहे. सलीम कुट्टाने सुधाकर बडगुजरसोबत पार्टी केली होती. माझ्याकडे दोघांचा फोटो आहे. दोघांचा पार्टीत नाचतानाचा व्हिडी ओदेखील आहे. तो व्हिडीओ मी विधानसभा अध्यक्षांना पाठवला आहे.
बडगुजर छोटा मासा आहे,त्यांच्यावर वरदहस्त ठाकरेंचे असल्याचे नाव न घेता भूसेंची टीका.
हा विषय शिवसेनेच्या शिंदे गटानेही लावून धरला. मंत्री दादा भुसे म्हणाले दाऊद इब्राहिमचा उजवा हात अशी ओळख असलेला सलीम कुट्टा हा एक शार्प शूटर आहे. ज्याने मुंबईत बॉम्बस्फोट घडवून आणले होते. तो नाशिकमध्ये पोट भरायला आला होता. मजुरीसाठी आलेल्या व्यक्तीने आज शेकडो कोटी रुपयांची संपत्ती जमा केली आहे. उद्धव बाळासाहेब ठाकरे सेनेचे नाशिकचे महानगरप्रमुख सुधाकर बडगुजर अशा देशद्रोह्यांबरोबर डान्स पार्टी करत असतील तर ही अतिशय गंभीर बाब आहे. त्याचबरोबर बडगुजर हा खूप छोटा मासा आहे. त्याच्यावर कोणाचा वरदहस्त आहे याच्या खोलात जाऊन चौकशी करण्याची गरज आहे.नितेश राणेंनी कारवाईची मागणी केल्यानंतर सार्वजनिक बांधकाम मंत्री दादा भुसे यांनीदेखील ही गंभीर बाब असल्याचं वक्तव्य केलं. तसेच चौकशीची मागणी केली.
गृहमंत्री अँक्शन मोडवर.
गृहमंत्री देवेंद्र फडणवीस यांनी या संपूर्ण प्रकरणाची एसआयटीमार्फत चौकशी केली जाईल असं जाहीर केलं. फडणवीस म्हणाले, देशाचा शत्रू असलेल्या दाऊद इब्राहिमच्या सहकाऱ्याबरबोर पार्टी करणाऱ्या या व्यक्तीची चौकशी केली जाईल. या दोघांचे काय संबंध आहेत ते तपासलं जाईल. मी या सभागृहाला आश्वस्त करू इच्छितो की या प्रकरणाची एसआयटीमार्फत चौकशी केली जाईल आणि दोषींवर कारवाई केली जाईल
काय घडलं सभागृहात.
हिवाळी अधिवेशनात भाजपचे आमदार नितेश राणे आणि आशिष शेलार यांनी शिवसेना पक्षाचे आमदार सुधाकर बडगुजरांचा सलीम कुट्टा याच्यासोबत डान्स करतानाचा व्हिडीओ दाखवला आणि एकच चर्चा सुरू झाली. सलीम कुट्टा उर्फ मोहम्मद सलीम मीरा शेख, ज्याला १९९३ च्या साखळी बॉम्बस्फोट प्रकरणात सुप्रीम कोर्टाने जन्मठेपेची शिक्षा सुनावली होती. सूत्रांच्या माहितीनुसार मोहम्मद सलीम मीरा शेख उर्फ सलीम कुट्टा हा सध्या पुण्यातील येरवडा मध्यवर्ती कारागृहात आहे. 
त्याला कारागृहातील अंडा सेलमध्ये ठेवण्यात आले आहे. कारागृहातील सूत्रांनी सांगितले की सलीमला २०१६ मध्ये येरवडा मध्यवर्ती कारागृहात आणण्यात आले होते. तेव्हापासून त्याला पॅरोलवर पाठवण्यात आलेले नाही. यापूर्वी तो नाशिक मध्यवर्ती कारागृहात होता. त्यावेळी तो पॅरोलवर गेला असावा. सलीमच्या कुटुंबीयांच्या जवळच्या सूत्रांनी सांगितले की हा व्हिडीओ काही वर्षांपूर्वीचा असावा. २०१६ च्या अगोदर तो बाहेर आला होता. तेव्हाचा व्हिडीओ असावा. गेल्या काही वर्षांत तो कधीच पॅरोलवर आला नव्हता.
कुट्टा म्हणजे हिंदीत कुत्रा असा अर्थ होत असल्याने न्यायालयाच्या नोंदीतून तो शब्द वगळण्याची विनंती केली होती. ?
मोहम्मद सलीम मीरा शेख हा मूळचा तामिळनाडूच्या कुट्टा, जिल्हा तंजावर या गावचा आहे. तो मुंबईत जन्मला आणि वाढला. त्याने बॉम्बे येथील सेंट इग्नेशियस स्कूलमध्ये इयत्ता पाचवीपर्यंत शिक्षण घेतले. वयाच्या १५ व्या वर्षी त्याने शाळा सोडली. पायधोनी, पलटन रोड, भायखळा आणि कुलाबा पोलिस स्टेशनमध्ये त्याच्यावर अनेक गुन्हे दाखल आहेत. यापूर्वी त्याचे दाऊद इब्राहिमच्या टोळीतील सदस्यांशी भांडण झाले होते. त्याने खटल्याच्या सुनावणीदरम्यान नियुक्त टाडा न्यायालयाला कुट्टा म्हणजे हिंदीत कुत्रा असा अर्थ होत असल्याने न्यायालयाच्या नोंदीतून तो शब्द वगळण्याची विनंती केली होती. प्रतिस्पर्ध्यांबद्दल त्याच्या निर्दयी दृष्टिकोनामुळे त्याला अंडरवर्ल्ड वर्तुळात “सलीम कुट्टा” म्हणून ओळखले जात असे. कारण तो त्यांच्यावर एखाद्या शिकारी कुत्र्यासारखा हल्ला करत असे.
१९९३ चा बॉमस्पोट.
१९९३ सालच्या मुंबई बॉम्ब ब्लास्ट प्रकरणातील प्रमुख फरार आरोपी मोहम्मद डोसासाठी काम करणाऱ्या मॉड्यूलचे नेतृत्व सलीम करत होता. तो गुजरातमध्ये शस्त्रे उतरवण्यात सहभागी झाला होता. सलीम आणि त्याच्या साथीदारांनी शस्त्रे आणि आरडीएक्स गोळा करून सहआरोपींना वाटले होते. १९९३ च्या बॉम्बस्फोटात या 
स्फोटकांचा वापर करण्यात आला होता.महाराष्ट्रातील रायगड जिल्ह्यातील दिघे आणि शेखाडी किनार्‍यावर शस्त्रे आणि दारूगोळ्याचे आणखी दोन लँडिंग झाले होते, जे आणखी एक फरार आरोपी टायगर मेमनने केले होते. १९९३ च्या साखळी बॉम्बस्फोटांच्या कटात भाग घेतल्याबद्दल आणि स्फोटांमध्ये वापरण्यात आलेले शस्त्रे आणि दारूगोळा वाटप केल्याबद्दल ट्रायल कोर्टाने सलीमला दोषी ठरवले होते.
सलीमची अंडरवर्ल्डमध्ये एन्ट्री ?
१९९० मध्ये सलीमची आई आजारी पडली होती आणि तिला चर्नी रोड येथील सैफी हॉस्पिटलमध्ये दाखल करण्यात आले होते. त्यावेळी सलीमला पैशांची नितांत गरज होती. पोलीसही सलीमच्या मागे लागले होते. त्यामुळे रुग्णालयात त्याच्या आईला भेट घेणे हि त्याला अवघड होते. त्या काळात तो नखुदा मोहल्ला येथील मुस्तफा डोसा उर्फ मुस्तफा मजनूच्या कार्यालयात, त्याचा मित्र अबू बकर, जो मुस्तफा मजनू (डोसा भाऊ) सोबत काम करत होता, त्याला भेटण्यासाठी गेला होता.त्या वेळी तो मुस्तफा डोसा उर्फ मुस्तफा मजनूने सलीमच्या अडचणींबद्दल चौकशी केली. त्याने मुस्तफाला सांगितले की, तो काही गुन्हेगारी प्रकरणात सामील आहे आणि पोलीस त्याचा शोध घेत आहेत. मुस्तफाने त्याला त्याच्या टोळीत सामील होण्यास सांगितले आणि त्याच्या आईच्या उपचारासाठी त्याला ५००० रुपये दिले. तसेच त्याच्या गुन्हेगारी खटल्यांवर लक्ष ठेवण्याचे आश्वासन दिले.
सलीम डोसाचा मोठा फॅन झाला. ?
डोसाने सलीमला पोलिसांसमोर हजर केले आणि त्याची जामिनावर सुटका केली. या सर्व दयाळू कृत्यांमुळे तो डोसा बंधूंशी इतका एकनिष्ठ झाला की अल्पावधीतच तो मोहम्मद डोसाचा अंगरक्षक झाला. डोसा बंधूंना सोने पोहोचवण्याचे काम तो करायला लागला होता.टायगर मेमन यापूर्वी १९८९ पर्यंत डोसा बंधूंसोबत काम करत होता. तेव्हापासून त्याने तस्करीचा स्वतःचा व्यवसाय सुरू केला होता,त्यामुळे सलीम डोसा टोळीमध्ये महत्त्वाचे स्थान मिळवण्याचा प्रयत्न तो करत होता. त्याच्या प्रयत्नांना यश आले आणि डोसा भावाने त्याला फिरोज अब्दुल रशीद खान आणि मेकॅनिक चाचा यांच्यासह ५ टक्क्यांच्या तस्करीच्या कामात भागीदार बनवले.
सलीम दाऊद इब्राहिमला भेट.
दंगलीच्या काळात सलीमला गोळ्या घालण्याचे आदेश यंत्रणेकडून जारी करण्यात आले होते. त्यामुळे तो काही दिवस फिरोजच्या घरात लपून बसला होता. मोहम्मद डोसाच्या सूचनेनुसार जानेवारीच्या शेवटी किंवा फेब्रुवारी १९९३ च्या सुरुवातीला तो दुबईला गेला. सलीम, फिरोज, कय्युम सजनी, युसूफ बाटला, शोएब बाबा, 
सय्यद कुरेशी आणि अहमद लांबू हे दुबईला गेलेल्या विमान तिकिटांचा सर्व खर्च मोहम्मद डोसाने उचलला होता .जेव्हा ते दुबई विमानतळावर पोहोचले तेव्हा मोहम्मद डोसा आणि मुस्तफा मजनू यांनी विमानतळावर सलीमचे स्वागत केले होते. त्याला दीरा टॉवरमधील मुस्तफा मजनूच्या कार्यालयात नेण्यात आले जेथे ते १५ दिवस तिथे राहिले.एका दिवशी मुस्तफा मजनू सलीमला दुबई येथील दाऊद इब्राहिमच्या घरी घेऊन गेला होता. व्हाइट हाऊस जे दुबईच्या झुमेरा भागात होते, त्या ठिकाणी घराच्या हॉलमध्ये नेण्यात आले. घरात अनेक लोक होते. ते दाऊद इब्राहिमशी गटागटाने बोलत होते. त्याने छोटा शकील, सलीम तलवार एजाज पठाण, हाजी अहमद आणि मुन्ना अब्दुल्ला यांना तिथे पाहिले.
