वाल्मिक कराडच्या एन्काऊंटरसाठी कोट्यावधींची सुपारी ; निलंबित पोलीस अधिकाऱ्यांच्या दाव्याने खळबळ…

(संग्रहित दृश्य.)

वाल्मिक कराडच्या एन्काऊंटरची ऑफर : रणजीत कासले

अक्षय शिंदे प्रकरणात पाच पोलिसांवर गुन्हे दाखल करा एसआयटी बसवा अशी बातमी मी टीव्हीवर बघितली. ही एसआयटी बसवून काहीही उपयोग होणार नाही. एसआयटीची बसवायची असेल तर केंद्राची एसआयटी बसवा तरच यामधून सत्य समोर येईल. मला वाल्मिक कराडच्या एन्काऊंटरची ऑफर देण्यात आली होती. मी म्हणालो हे पाप माझ्याकडून होणार नाही. १० कोटी, २० कोटी,५० कोटी, अशी वनटाईन ऑफर दिली जाते. तो पोलीस अधिकारी कुठेही असेल तरी त्याला हव्या असणाऱ्या विभागाला बोलावून घेतले जाते. मी सायबर विभागात होतो त्यांना माहिती होतं हा माणूस करु शकतो. याच्यामध्ये दम आहे. मी माझा मोठेपणा सांगत नाही. नाहीतर सोडलेले कुत्रे माझ्या अंगावर भुंकतील. पोलिसांची चार लोकांची टीम आणि  मुख्यमंत्री आणि उपमुख्यमंत्र्यांची गुप्त बैठक होते. बैठकीत विचार केला जातो काय करायचं. त्यानंतर ५ते ६ जणांची दुसरी विश्वासू लोकांची टीम निवडली जाते. ती घटनास्थळी जाते. जसं अक्षय शिंदेच्या मृतुच्या ठिकाणी गेले असतील. एक अधिकारी, दोन अंमलदार, हवालदार, अशी टीम असते. या सगळ्यांना ५  कोटी,१० कोटी रुपयांची लम्पसम ऑफर दिली जाते. चौकशी झाली तरी आमचं सरकार आहे आम्ही चौकशीतून तुम्हाला मुक्त करु असे पोलसांना सांगितले जाते. अशाप्रकारे बोगस एन्काऊंटर होतो असे रणजीत कासले यांनी म्हटले.