चिमुकलीवर अत्याचार झालेली बदलापूरमधील ती शाळा भाजपा आणि संघाशी संबंधित,आंदोलनावेळी कॉंग्रेसचा मोठा आरोप.?

(संग्रहित दृश्य.)

महिला मुलींच्या सुरक्षेचा गंभीर प्रश्न पुन्हा ऐरणीवर !

राज्याचे उपमुख्यमंत्री देवेंद्र फडणवीस यांच्याकडे गृह विभाग आहे. गेल्या काही वर्षांत राज्यात महिला, मुलींवरील अत्याचाराच्या घटना वाढत चालल्या आहेत. मात्र गृहमंत्री देवेंद्र फडणवीस यांचे गृहखात्यावर लक्ष नसल्याने कायदा आणि सुवस्थेचा प्रश्न निर्माण झाला आहे, असा महाविकास आघाडीचा आरोप केला आहे. आता प्रदेश युवक काँग्रेसने देखील हाच मुद्दा उचलून धरला आहे. राज्यात महिलावरील अत्याचारात वाढ झाली आहे. राज्यात बाल अत्याचारांच्या घटनाही वाढल्या आहेत. पण, गृहमंत्री निष्क्रिय आहेत, असा आरोप फलक हातात घेऊन काँग्रेसने केला आहे. गृहमंत्री देवेंद्र फडणवीस यांनी गृहमंत्रीपदाचा राजीनामा द्यावा अशी मागणी करणारे फलक कार्यकर्त्यांनी हातात घेतले होते. तसेच दोषींना शिक्षा करण्याची मागणी करण्यात आली आहे.बदलापूरच्या अत्याचाराच्या घटनेने राज्यातील महिला मुलींच्या सुरक्षेचा गंभीर प्रश्न पुन्हा ऐरणीवर आला आहे.

(संग्रहित दृश्य.)

पोलीसांच्या भूमिकेवरही प्रश्नचिन्ह निर्माण झाले आहे.

बदलापूरच्या घटनेत पोलीसांच्या भूमिकेवरही प्रश्नचिन्ह निर्माण झाले आहे. तक्रार दाखल करण्यास गेलेल्या पीडित मुलीच्या आईला तासनसात पोलीस स्टेशनमध्ये बसवून ठेवण्यात आले होते. आता पोलीस यंत्रणेसोबतच राज्य सरकारच्या कार्यपद्धतीवर संशय निर्माण झाला आहे. काँग्रेसचे शहर अध्यक्ष विकास ठाकरे यांच्या अध्यक्षतेखाली हे आंदोलन करण्यात आले. विरोधी पक्ष नेते विजय वडेट्टीवार, आमदार अभिजीत वंजारी, तानाजी वनवे, रेखा बाराहाते, अशोक धवड, प्रफुल्ल गुडधे, गिरीश पांडव, विशाल मुत्तेमवार तसेच अनेक कार्यकर्ते सहभागी झाले होते.