भाजपाकडे फक्त धर्म आणि टोप्या एवढाच विषय, महाराष्ट्रात त्यांच्या टोप्या आता चालणार नाहीत, संजय राऊत यांची शिवसेनेवर टीका.

(संग्रहित दृश्य.)

बाळासाहेब ठाकरेंचं नाव घेतल्याशिवाय भाजपा…..

बाळासाहेब ठाकरेंचं नाव घेतल्याशिवाय भाजपा एक इंच पुढे जाऊ शकत नाही. तोच पक्ष भाजपाने फोडला, खरेदी केला आणि एकनाथ शिंदेंना विकला. तुमच्यापेक्षा काँग्रेस राष्ट्रवादीला बाळासाहेब ठाकरेंबाबत जास्त प्रेम आणि आदर आहे. त्यांचं प्रेम तुमच्यासारखं ढोंगी नाही पाठीत खंजीर खुपसणारं, असं संजय राऊत यांनी म्हटलं आहे. वीर सावरकरांना भारतरत्न द्या, हे आम्ही दहा वर्षांपासून सांगतो आहे. का देत नाहीत भाजपाचे लोक? वीर सावरकरांना भारतरत्न देणं हे अमित शाह यांच्या हातात आहे. ते का देत नाहीत? बाळासाहेब ठाकरेंच्या संदर्भात आम्हाला कुणाच्या प्रमाणपत्राची आवश्यकता नाही. तुम्ही तुमच्या बॅनर आणि पोस्टरवरचा फोटो काढा. तुम्हाला महाराष्ट्रात कुणी उभंही करणार नाही. अमित शाह खोटं बोलत आहेत. व्यापारी खोटं बोलतो. दुकानदार आपल्या फायद्यासाठी खोटं बोलतो किंवा भेसळ करतो असा टोलाही अमित शाह यांना संजय राऊत यांनी लगावला आहे. सत्तेत कोण कुणाला बाजूला ठेवणार हे अमित शाह नाही महाराष्ट्रातली जनता ठरवणार आहे असंही संजय राऊत म्हणाले. अमित शाह यांनी ४० आमदार विकत घेतले असतील, पण त्यांनी महाराष्ट्राच्या जनतेला विकत घेतलेलं नाही. अमित शाह हे महाराष्ट्राचे नेते नाहीत. देशाचे नेते होऊ शकत नाहीत. भाजपाकडे सध्या कुठलाही विषय नाही. विकासाचा विषय, रोजगाराचा विषय नाही, शेतकऱ्यांचा विषय नाही. त्यांच्याकडे फक्त धर्म आणि टोप्या एवढाच विषय आहे. महाराष्ट्रात त्यांच्या टोप्या आता चालणार नाहीत अशीही बोचरी टीका संजय राऊत यांनी केली आहे.