पती पत्नीचा वाद अन, झाला खून ; पत्नीनेच नातेवाईकांच्या सहाय्याने केला पतीचा खून.
TIMES OF AHMEDNAGAR | AHMEDNAGAR | MURDER IN KEDGAON | THE BODY WAS FOUND NEAR CHANDBIBI MAHAL | TALUKA POLICE STATION | THE WIFE KILLED HER HUSBAND | THE PHOTO USED IN THIS NEWS IS OBTAINEDTHROUGH SOCIAL MEDIA. WE DO NOT GUARANTEE ANY PHOTO.
कार्यक्रमासाठी पत्नीच्या माहेरी केडगाव येथे आलेल्या युवकाला पती – पत्नीच्या वादातून बेदम मारहाण करत त्याचा खून केल्याची घटना उघडकीस आली आहे. खुनानंतर त्याचा मृतदेह चांदबीबी महालाजवळ बारदरी (ता.नगर) शिवारात फेकून देऊन पुरावा नष्ट करण्याचा प्रयत्न करण्यात आला होता. या प्रकरणी मयताची पत्नी व तिच्या माहेरचे नातेवाईक अशा ६ जणांवर गुन्हा दाखल करण्यात आला असून पोलिसांनी मयताची पत्नी व मेव्हण्याला अटक केली आहे.
स्त्रोत.सोशल मिडिया.
पतीच्या खुनात पत्नीच आरोपी.
प्रशांत जगन्नाथ घाटविसावे (वय २८, रा. केळ पिंपळगाव, ता. आष्टी, जि. बीड) असे मयताचे नाव आहे. तर त्याच्या खून प्रकरणी त्याची पत्नी कल्याणी प्रशांत घाटविसावे (मूळ रा. केळ पिंपळगाव, हल्ली रा. शास्री नगर, केडगाव), सासरा सोमनाथ बनकर, सासू वैशाली सोमनाथ बनकर, मेव्हणा अजय सोमनाथ बनकर, मेव्हणी प्रियंका सोमनाथ बनकर (सर्व रा. शास्री नगर, केडगाव) अजय बनकर चा मेव्हणा मोहित दिनेश पाडळे (रा. बोहरी चाळ, रेल्वे स्टेशन रोड, केडगाव) यांच्या विरुद्ध भा.दं.वि. कलम ३०२, ३२३, १४३, १४७, ३४ प्रमाणे गुन्हा दाखल केला आहे. याबाबत मयत प्रशांत घाटविसावे याचा चुलत भाऊ किशोर बापूराव घाटविसावे (रा. केळ पिंपळगाव, ता. आष्टी, जि. बीड) याने नगर तालुका पोलिस ठाण्यात फिर्याद दिली आहे.
स्त्रोत.सोशल मिडिया.
मृतदेह चांदबीबी महालाजवळ बारदरी (ता.नगर) येथे आढळून आला.
मयत प्रशांत घाटविसावे हा मंगळवारी (दि.२३)केडगाव येथे पत्नीच्या माहेरी कार्यक्रमासाठी आलेला होता. रात्री पती – पत्नीच्या वादातून त्याचे व त्याच्या सासरच्या लोकांचे वाद झाले. ही बाब त्याने कुटुंबियांना फोन करून कळविली होती. त्या नंतर बुधवारी (दि.२४) त्याच्या कुटुंबीयांनी त्याच्याशी संपर्क साधण्याचा प्रयत्न केला असता त्याचा मोबाईल बंद लागला. गुरुवारी (दि.२५) सकाळ पासूनही त्याच्याशी संपर्क न झाल्याने त्याला शोधण्यासाठी त्याचे भाऊ व इतर नगरकडे येत असताना दुपारी त्यांना फोन वर समजले की प्रशांत याचा मृतदेह चांदबीबी महालाजवळ बारदरी (ता.नगर) येथे आढळून आला आहे. त्यामुळे त्याच्या नातेवाईकांनी तेथे धाव घेत पाहिले असता मयत प्रशांत याच्या मृतदेहावर मारहाणीच्या खुना दिसल्या. त्यामुळे त्याचा चुलत भाऊ किशोर बापूराव घाटविसावे याने गुरुवारी रात्री नगर तालुका पोलिस ठाण्यात मयताची पत्नी व इतर नातेवाईक अशा ६ जणांच्या विरोधात फिर्याद दिली आहे.