त्या पोलीस कर्मचाऱ्याचा झाला खून. तरुणांनी केला हल्ला कारण …..

TIMES OF AHMEDNAGAR

पीर मुसा कादरी दर्गा परिसरात एका तरुणावर धारदार शस्त्राने वार करून खून करण्यात आल्याची घटना रविवारी सायंकाळी पाच वाजेच्या सुमारास घडली आहे. चाळीसगाव शहरात हि घटना घडली आहे.मयत तरुण हा मुंबई पोलीस दलातील कर्मचारी असल्याचे माहिती समोर आली आहे. दरम्यान, चाळीसगाव पोलिसांनी याप्रकरणी चार संशयितांना ताब्यात घेतले आहे. क्रिकेट स्पर्धेच्या वादातून खून झाल्याची माहिती समोर आली आहे.

चाळीसगाव पीर मुसा कादरी बाबा दर्गा जवळ पाटणादेवी नाक्याजवळ रविवारी सायंकाळी पाच वाजेच्या सुमारास शुभम आगोणे या तरुणावर काही जणांनी धारदार शस्त्राने वार करीत हल्ला केला. घटनेत शुभम गंभीर जखमी झाल्याने त्याला खाजगी रुग्णालयात उपचारार्थ दाखल करण्यात आले होते. मात्र उपचार सुरु असतांना त्याचा मृत्यू झाला. दरम्यान, मयत शुभम हा मुंबई पोलीस दलातील कर्मचारी असल्याची माहिती समोर आली असून क्रिकेट स्पर्धेत झालेल्या वादातून त्याचा खून करण्यात आल्याची माहिती समोर आली आहे. दरम्यान, घटनेची माहिती मिळताच पोलिसांनी घटनास्थळी धाव घेतली असून याप्रकरणी चार संशयितांना ताब्यात घेतल्याचे कळते.