गृहमंत्री देवेंद्र फडणवीस मला एन्काउंटरच्या माध्यमातून मारण्याचा प्रयत्न करत आहेत – मनोज जरांगेंचा खळबळजनक आरोप.

गृहमंत्री देवेंद्र फडणवीस मला एन्काउंटरच्या माध्यमातून मारण्याचा प्रयत्न करत आहेत असा दावा  करत मराठा आरक्षणासाठी लढा देणारे मनोज जरांगे यांनी गृहमंत्री  देवेंद्र फडणवीस यांच्यावर गंभीर आरोप केले होते. यावर आता फडणवीस यांनी महत्त्वाचं भाष्य केलं आहे. जरांगेंनी केलेले आरोप हे धादांत खोटे आहेत. आंदोलन करण्याचा अधिकार प्रत्येकालाच आहे. मात्र कायद्याचे पालन होत नसेल तर पोलिसांना योग्य कारवाई करावीच लागेल, असे फडणवीस मुंबईत पत्रकार परिषदेत बोलत होते.

स्त्रोत.सोशल मिडिया.

कायद्याचे पालन होत नसेल तर पोलिसांना योग्य कारवाई करावीच लागेल.

पत्रकार परिषदेत बोलत असतांना फडणवीसांनी शरद पवार आणि उद्धव ठाकरे यांच्यावर आरोप केले. मनोज जरांगे यांना खासदार शरद पवार माजी मुख्यमंत्री उद्धव ठाकरे  यांची फूस आहे असा अप्रत्यक्ष आरोप फडणवीस यांनी केला. ते म्हणाले की  मनोज जरांगे जी स्क्रिप्ट बोलत आहेत तीच स्क्रिप्ट याआधी उद्धव ठाकरे बोलत होते. ज्या स्क्रिप्टवर शरद पवार बोलत होते, नेमके तेच विषय मनोज जरांगे मांडत आहेत. त्यांनी हेच विषय का मांडावेत असा प्रश्न मला पडला आहे. याच कारणामुळ जरांगेंच्या पाठीशी कोण आहे याची काहीशी कल्पना आमच्याकडे आहे. योग्य वेळी ती बाहेर येईल. तुर्तास एवढंच आहे की कायदा, सुव्यवस्था न बिघडवता कोणीही आंदोलन केलं तरी आमची हरकत नाही. मात्र कायद्याचे पालन होत नसेल तर पोलिसांना योग्य कारवाई करावीच लागेल.

स्त्रोत.सोशल मिडिया.