TIMES OF NAGAR
ते रिलेशनमध्ये आहेत की नाही ? अशी चर्चा सध्या मागील काही दिवसांपासून अभिनेत्री समंथा रुथ प्रभूच्या चाहत्यांमध्ये सुरु आहे. यामागील कारण म्हणजे समंथाने काही दिवसांपूर्वीच सिटाडेल: हनी बनीचा दिग्दर्शक राज निदीमोरुसोबत पोस्ट केलेला एक खास फोटो दोघांमधील कथित प्रेमप्रकरणाची जोरदार चर्चा असतानाच सोशल मीडियावर वेगवेगळे तर्क मांडले जात आहेत. असं असतानाच आता राजची पत्नी शामली डे हिने केलेल्या एका पोस्टने अनेकांचं लक्ष वेधून घेतलं आहे. आतापर्यंत राजची पत्नी शामली कधीच या दोघांच्या कथित नातेसंबंधांवर व्यक्त झाली नव्हती. मात्र नुकतीच तिने तिच्या इन्स्टाग्राम स्टोरीवर केलेली एक पोस्ट सध्या स्क्रीनशॉटच्या माध्यमातून व्हायरल होत आहे.
(संग्रहित दृश्य.)
कथित अफेरच्या चर्चा सोशल मीडियावर रंगल्या
काही दिवसांपूर्वीच समंथाने राजबरोबरचा विमानामधील एक फोटो पोस्ट केला होता. या फोटोमध्ये समंथा बाजूच्या सीटवर बसलेल्या राजच्या खांद्यावर प्रेमाने डोकं ठेऊन बसली हा सेल्फी समंथानेच क्लिक केला होता. या फोटोनंतर राज आणि समंथाच्या कथित अफेरच्या चर्चा सोशल मीडियावर रंगल्या होत्या त्यामुळे यापूर्वी काही वेळा अशा चर्चा झाल्या आहेत. मात्र नेहमीच राजची पत्नी याबद्दल गप्प राहिल्याचं दिसून आलं. मात्र आता राजची पत्नी शामलीने समंथा आणि राजच्या या विमानातील फोटोची चर्चा सुरु असतानाच एक सूचक पोस्ट तिच्या इन्स्टाग्राम स्टोरीमधून केली आहे. माझ्याबद्दल जे कोणी विचार करत आहेत ज्यांच्यासाठी मी अनेक आशीर्वाद आणि प्रेम पाठवतेय. जे मला पाहत आहेत, जे मला ऐकून घेत आहेत, जे माझ्याबद्दल ऐकत आहेत, जे माझ्याशी बोलत आहेत, जे मला समजून घेत आहेत, जे मला वाचण्याचा प्रयत्न करत आहेत ,जे मला टाळण्याचा प्रयत्न करत आहेत आणि जे मला आज भेटले आहेत, त्या सर्वांनाच माझे आशीर्वाद आणि प्रेम ! असं शामलीने तिच्या इन्स्टाग्राम स्टोरीमध्ये म्हटलं आहे.
