शरद पवार गटाचे खासदार बजरंग सोनवणे आता अजित पवारांच्या संपर्कात ?

“बीडच्या बप्पाचा दादांना फोन. मोठ्या मनाचा दादा”, अशी पोस्ट अमोल मिटकरी यांनी केली आहे. परंतु, त्यांच्या या पोस्टमध्ये त्यांनी कोणाचेही थेट नाव घेतले नव्हते. परंतु, पत्रकारांनी त्यांना याबाबत विचारल्यावर त्यांनी बजरंग सोनवणे यांनी अजित पवारांना फोन केला होता, त्याचे आम्ही साक्षीदार आहोत, असे म्हटले आहे. अमोल मिटकरी माध्यमांना प्रतिक्रिया देताना म्हणाले, बजरंग सोनवणे यांनी फोन केला होता, यात तथ्य आहे म्हणून मी सांगतोय. आम्ही सर्व त्या घटनेचे साक्षीदार आहोत. दादा जनतेचे काम करणारे आहेत. दादा उपमुख्यमंत्री आणि अर्थमंत्री आहेत. परंतु, त्याला दुसराही अँगल असावा. याबद्दल माझ्या मनात शंका नाही. असे अमोल मिटकरी म्हणाले आहेत.