शरद पवारांनी फोन फिरवला, बंडखोरांना उमेदवारी अर्ज मागे घेण्याच्या सूचना.

TIMES OF AHMEDNAGAR 

राज्यात विधानसभा निवडणुकीसाठी २० नोव्हेंबर रोजी मतदान होणार आहे. तर २३ नोव्हेंबर रोजी मतमोजणी पार पडणार आहे. निवडणुकीच्या पार्श्वभूमीवर सर्वं राजकीय पक्ष तयारीला लागले आहे. आज उमेदवारी अर्ज मागे घेण्याचा शेवटचा दिवस आहे. त्यामुळे बंडखोरी करणाऱ्यांना रोखण्यासाठी महायुती आणि महाविकास आघाडीकडून मोठ्या प्रमाणात प्रयत्न करण्यात येत आहे. यादरम्यान एक महत्वाची माहिती समोर आली आहे. शरद पवार यांनी फोन करत बंडोखोर उमेदवारांना आपला उमेदवारी अर्ज मागे घेण्याच्या सूचना दिल्या आहेत. राष्ट्रवादी काँग्रेस शरद पवार गटातील बंडखोर उमेदवार देखील आपला उमेदवारी अर्ज मागे घेणार आहे. शरद पवारांनी फोन करत बंडखोर उमेदवारांना सूचना दिले आहे. 

(संग्रहित दृश्य.)

विधानसभा मतदारसंघातून मी माघार घेतलेली नाही.

परंडा विधानसभा मतदारसंघात  महाविकास आघाडीच्या दोन उमेदवारांनी अर्ज दाखल केले होते. ठाकरे गटाचे रणजीत पाटील आणि शरद पवार गटाकडून राहुल मोटे यांनी उमेदवारी अर्ज भरला होता. त्यानंतर आज रणजीत पाटील हे उमेदवारी अर्ज मागे घेणार असल्याचं सांगण्यात येत होतं. मात्र मी माघार घेतलेली नाहीय असं रणजीत पाटील यांनी म्हटले आहे. परंडा विधानसभा मतदारसंघातून मी माघार घेतलेली नाही अफवांवर विश्वास ठेवू नका,असं रणजीत पाटील यांनी सांगितले. विरोधकांकडून जाणीवपूर्वक अफवा पसरवल्या जात आहे. पक्षाकडून अध्याप कोणतही बोलणं झालेलं नाही. परंडा विधानसभेसाठी महाविकास आघाडीचा अधिकृत उमेदवार म्हणून माझा उमेदवारी अर्ज कायम आहे. उमेदवारी मागे घेण्याची चर्चा शिवसेना ठाकरे गटाचे उमेदवार रणजीत पाटील यांनी फेटाळली आहे. 

(संग्रहित दृश्य.)

शरद पवारांनी कोणाला फोन केले?

पिंपरी – दीपक रोकडे, श्रीवर्धन- ज्ञानदेव पवार, अहेरी- संदीप कोरट, संदीप बजोरिया – यवतमाळ, पर्वती विधानसभा- बाबा धुमाळ,परंडा – रणजीत पाटील (शिवसेना).