शुटींग दरम्यान प्रेम,लग्न अन आता ती दुसऱ्यांदा झाली आई…….

स्मृतीने एप्रिल महिन्यात ती दुसऱ्यांदा गरोदर असल्याची बातमी दिली होती. तिने मुलगी अनायका व पती गौतम गुप्ताबरोबरचे फोटो शेअर केले होते. आमचे कुटुंब आता वाढणार आहे. आमची मुलगी अनायका आता मोठी बहीण होणार आहे. या दिवसाची आम्ही खूप दिवसांपासून वाट पाहत होतो. हे स्वप्न पूर्ण करण्यासाठी आम्ही खूप काही सहन केलं आहे. ही आनंदाची बातमी सांगताना आम्हाला खूप आनंद होत आहे,असं तिने बेबी बंपचे फोटो शेअर करत लिहिलं होतं. आता स्मृती दुसऱ्यांदा आई झाली आहे.

(स्त्रोत.सोशल मिडिया.)

२०१७ मध्ये लग्न.

मेरी आशिकी तुमसे ही या मालिकेच्या सेटवर स्मृती व गौतम गुप्ता यांची भेट झाली होती. त्यांनी २०१७ मध्ये लग्न केलं आणि २०२० मध्ये लेक अनायकाचं स्वागत केलं होतं. आता चार वर्षांनी त्यांच्या घरात आणखी एका सदस्याचं आगमन झालं आणि त्यांचं कुटुंब पूर्ण झालं आहे. स्मृती खन्ना ही ‘ये है आशिकी’, ‘बालिका वधू’ सारख्या अनेक टीव्ही मालिकांमध्ये दिसली आहे. याशिवाय तिने काही चित्रपटांमध्येही काम केलं आहे. स्मृती पंजाबी चित्रपट ‘जट ऑलवेज’मध्ये झळकली होती.