विशाल अग्रवालच्या मुलाला वाचवण्याचा राज्य शासन प्रयत्न करत आहे. -अनिल देशमुख

या अपघात प्रकरणात अल्पवयीन मुलाचे रक्ताचे नमुने नष्ट करण्यात आले असून त्याजागी त्याच्या आईचे नमुने तपासणीसाठी पाठवण्यात आले होते. परंतु याचा अहवाल समोर आल्यानंतर त्यादृष्टीने तपासणी सुरू झाली आहे. तसेच रक्ताच्या नमुन्यात फेरफार केल्याप्रकरणी ससून रुग्णालयातील दोन डॉक्टर, आरोग्य कर्मचारी आणि अल्पवयीन मुलाची आई शिवानी अग्रवाल यांना अटक करण्यात आली आहे. परंतु आता त्याही पुढे जाऊन या प्रकरणात मृत झालेल्या तरुण-तरुणींचा दोष असल्याचे सिद्ध करण्याचे प्रयत्न सुरू असल्याचे गृहमंत्री अनिल देशमुख म्हणाले आहेत. अनिल देशमुख एक्स पोस्टमध्ये म्हणाले कि पुणे हिट ॲन्ड रन प्रकरणामध्ये राजकीय दबावाखाली आरोपीचे रक्ताचे नमुने बदलून आरोपी दारू न पिल्याचा अहवाल तयार करण्याचे प्रयत्न झाले होते , हे उघड झाले आहे. आता माजी गृहमंत्री म्हणुन माझी माहिती अशी आहे की, मृतकांच्या विसेरा रिपोर्टमध्ये  अल्कोहोल पॉझिटिव्ह यावे याकरिता पूर्णपणे तयारी झाली आहे. जेणेकरुन या प्रकरणामध्ये मृत झालेले मोटरसायकल वरील तरुण तरुणी हे दारु पिऊन होते आणि त्यांच्यामुळेच हा अपघात झाला आहे, असे न्यायालयात सिद्ध करता येईल. जेणेकरून विशाल अग्रवालचा मुलगा लवकर सुटेल, अशा पध्दतीने प्रयत्न सध्या सरू आहेत.

स्त्रोत सोशल मिडिया 

तरुण तरुणीच्या रक्ताच्या नमुन्यात दारूचा अंश….