पत्नी परपुरुषाच्या मिठीत दिसली. संतापलेल्या पतीने पत्नी व तिच्या प्रियकराची चांगली धुलाई केली….

नागपूर : दोन मुलांची आई असलेल्या महिलेची वस्तीतच राहणाऱ्या युवकाशी मैत्री झाली. काही दिवसांतच दोघांचे प्रेम प्रकरण सुरु झाले. पती कामावर गेल्यानंतर दोघांच्या घरीच भेटी-गाठी व्हायला लागल्या. परंतु दोघांच्या प्रेमात पती अडसर ठरु लागला. रात्रीच्या सुमारास पती झोपल्यानंतर प्रियकर घराच्या छतावर भेटायला येत होता. मात्र रात्री दीड वाजता पतीला जाग आली आणि त्याला पत्नी घरात दिसली नाही. त्यामुळे पती छतावर गेला. तेथे पत्नी परपुरुषाच्या मिठीत दिसली. संतापलेल्या पतीने पत्नी व तिच्या प्रियकराची चांगली धुलाई केली. हे प्रकरण पोलीस ठाण्यात गेले. प्रियकर बळजबरी करीत असल्याची तक्रार महिलेने दिल्यानंतर पोलिसांनी प्रियकराविरुद्ध गुन्हा दाखल करुन अटक केली. पोलीस सूत्रांनी दिलेल्या माहितीनुसार विवाहित महिला आरती (२९ वर्षे,) ही गृहिणी असून पती व दोन मुलींसह पारडी परिसरात राहते. तिचा पती एका कंपनीत नोकरीला आहे. पती सकाळी आठ वाजता नोकरीला गेल्यानंतर थेट रात्री १० वाजता घरी येतो. तिच्याच वस्तीत अंकुश (वय ३५) हा बेरोजगार युवक राहतो. तो गु्न्हेगारी प्रवृत्तीचा असून त्याच्यावर कळमना आणि वाठोडा पोलीस ठाण्यात गुन्हे दाखल आहेत. वस्तीतील एका लग्नात दोघांची ओळख झाली. तेव्हा दोघांनीही एकमेकांचे मोबाईल नंबर घेतले. दोघांची अल्पवधीत मैत्री झाली. तो आरतीच्या भेटीसाठी घरी यायला लागला. आरतीने मित्र म्हणून पतीशी ओळख करुन दिली. त्यामुळे तो वारंवार घरी यायला लागला. यादरम्यान दोघांमध्ये प्रेमसंबंध निर्माण झाले. पती कामावर जाताच आरती त्याला घरी बोलावून घेत होती. हा प्रकार गेल्या दोन वर्षांपासून सुरु होता. पत्नीचा मित्र असल्यामुळे पती दोघांच्या नात्यावर कधीही संशय घेत नव्हता. दोघांचे प्रेम एवढे घट्ट झाले की दोघेही एकमेकांशिवाय राहत नव्हते.