बाबा सिद्धिकी यांच्या हत्येनंतर समीकरणे बदलली, झिशान सिद्दिकी यांची सोशल मिडिया पोस्ट चर्चेत ते म्हणाले, “सुना है पुराने दोस्तों ने…”

(संग्रहित दृश्य.)

झिशान सिद्दिकी सध्या महायुतीच्या वाटेवर..

वांद्रे पूर्व हा मतदारसंघ शिवसेनेचा बालेकिल्ला म्हणून ओळखला जातो. या मतदारसंघावर सुरुवातीपासून शिवसेनेची पकड आहे. शिवसेना पक्षप्रमुख उद्धव ठाकरे यांचं निवासस्थान याच मतदारसंघात आहे. २०१९ च्या निवडणुकीत हा मतदारसंघ शिवसेनेच्या हातून निसटला आणि काँग्रेसच्या ताब्यात गेला होता. शिवसेनेने केलेल्या एका चुकीमुळे त्यांना त्यांचा बालेकिल्ला गमवावा लागला. काँग्रेसचे झिशान सिद्दिकी येथील विद्यमान आमदार आहेत. झिशान सिद्दिकी सध्या महायुतीच्या वाटेवर असल्याची चर्चा आहे. काही दिवसांपूर्वी त्यांच्या वडिलांची म्हणजेच माजी मंत्री बाबा सिद्दिकी यांची हत्या करण्यात आली होती. या दुःखातून सावरत झिशान सिद्दिकी हे निवडणुकीच्या कामाला लागले आहे. मात्र मविआने त्यांचं तिकीट कापलं आहे. त्यामुळे झिशान सिद्दिकी आता महायुतीच्या वाटेवर असल्याची चर्चा आहे. त्यांचे वडील बाबा सिद्दिकी यांनी देखील काही महिन्यांपूर्वी राष्ट्रवादी काँग्रेस पार्टीत  प्रवेश केला होता. त्यामुळे झिशान सिद्दिकी देखील वडिलांच्या पावलावर पाऊल ठेवत अजित पवारांच्या पक्षात प्रवेश करू शकतात, अशी चर्चा राजकीय वर्तुळात रंगतेय. महावुतीतील कोणत्याही पक्षाने अद्याप वांद्रे पूर्वमधील त्यांचा उमेदवार जाहीर केलेला नाही.

झिशान सिद्दिकी यांनी एक्सवर पोस्ट केली.

उद्धव ठाकरे यांच्या पक्षाने वांद्रे पूर्वमधून उमेदवार जाहीर केल्यानंतर झिशान सिद्दिकी यांनी एक्सवर एक पोस्ट केली आहे. या पोस्टमध्ये त्यांनी म्हटलं आहे की जुन्या मित्रांनी उद्धव ठाकरे वांद्रे पूर्व मतदारसंघात त्यांचा उमेदवार जाहीर केला आहे. यांनी कधीच कोणाची साथ दिली नाही. जो आदर आणि सन्मान देईल त्याच्याबरोबरची नाती सांभाळा, आपापल्या फायद्यांसाठी जमलेल्या गर्दीचा काहीच फायदा नसतो. आता जनता निर्णय घेईल.