ईव्हीएम ठेवलेल्या गोदामाच्या सीसीटीव्ही कॅमेऱ्यांमध्ये बिघाड ? लंके संतापले म्हणाले लोकशाही चोरी करण्याचा प्रयत्न केला जात आहे, पण प्रशासन मात्र उघड्या डोळ्यांनी पाहतंय….

माझ्या सहकार्याने तो लगेच हाणून पाडला.

अहमदनगरमध्ये ईव्हीएम मशीन्स ठेवलेल्या ठिकाणी सुरक्षा भेदून एका अज्ञात व्यक्तीचा वावर सुरू असल्याचा आरोप निलेश लंके यांनी केला आहे. या संदर्भात त्यांनी एक्स अकाउंटवर एक व्हिडीओ शेअर केला आहे. तसेच संरक्षणव्यवस्था थोडे उठा, माणूस गोदामापर्यंत आला आहे, कुंपणच शेत खात असून लोकशाही चोरी करण्याचा प्रयत्न केला जात आहे असं निलेश लंके यांनी म्हटलं आहे.

संरक्षणव्यवस्था थोडे उठा माणूस गोदामापर्यंत आलाय. काल रात्री आमच्या नगर दक्षिण अहिल्यानगर मतदारसंघाच्या ईव्हीएम ठेवलेल्या ठिकाणी त्रिस्तरीय सुरक्षा भेदून एका इसमाने प्रवेश करत चक्क शटरपर्यंत जात सीसीटीव्हीमध्ये बिघाड करण्याचा प्रयत्न केला. मात्र, माझ्या सहकार्याने तो लगेच हाणून पाडला. माझे सहकारी हा इसम पकडू शकतात. मग कोणतीही पूर्व सूचना न देता गेलेल्या त्या व्यक्तीला त्रिस्तरीय सुरक्षा का रोखू शकली नाही ? कुंपणच आता शेत खातंय. लोकशाही चोरी करण्याचा प्रयत्न केला जातो आहे, पण प्रशासन मात्र उघड्या डोळ्यांनी पाहतंय, असं निलेश लंके यांनी म्हटलं आहे.

स्त्रोत.सोशल मिडीया.

सुरक्षा भेदून एका अज्ञात व्यक्तीचा वावर सुरू…..

अहमदनगर दक्षिण लोकसभा मतदारसंघात महायुतीचे उमेदवार खासदार सुजय विखे आणि राष्ट्रवादी काँग्रेसच्या शरद पवार गटाचे उमेदवार निलेश लंके हे या निवडणुकीत आमने-सामने होते. येथील मतदान झालेले असून ४ जून रोजी निकाल लागणार आहे. या निवडणुकीच्या प्रचारात निलेश लंके आणि सुजय विखे यांच्यामध्ये आरोप-प्रत्यारोपाने नगरचं राजकारण चांगलंच तापलं होतं. तसेच अहमदनगरमध्ये भाजपाने पैसे वाटल्याचा आरोपही निलेश लंके यांच्याकडून करण्यात आला होता. तेव्हाही निलेश लंके यांनी काही व्हिडीओ शेअर करत विरोधकांवर गंभीर आरोप केले होते. त्यानंतर आता निलेश लंके यांनी अहमदनगरमध्ये ईव्हीएम मशीन्स ठेवलेल्या ठिकाणी सुरक्षा भेदून एका अज्ञात व्यक्तीचा वावर सुरू असल्याचा आरोप केला आहे.