TIMES OF AHMEDNAGAR
पाकिस्तानी क्रिकेटर शोएब मलिक आणि भारतीय टेनिस स्टार सानिया मिर्झा यांच्या घटस्फोटाच्या चर्चा नुकत्याच सुरु होत्या. तोच शोएब मलिक याने अभिनेत्री सना जावेद हिच्याशी दुसऱ्या निकाहचे फोटो पोस्ट करत सर्वांना धक्का दिला आहे. शोएबने पाकिस्तानी अभिनेत्री सना जावेदशी निकाह केला आहे.
सानिया मिर्झाने दिला होता खुला.
पाकिस्तानी क्रिकेटर शोएब मलिकने पाकिस्तानी अभिनेत्री सना जावेदसोबत निकाहचे फोटो सोशल मिडीयावर पोस्ट केले. आणि त्यानंतर नेटकऱ्यांनी शोएब मलिकला चांगलाच घेरले होते. शोएब मलिकने लग्नाचे फोटो सोशल मिडीयावर पोस्ट करत सर्वांनाच आश्चर्याचा मोठा धक्का दिला. गेल्या काही महिन्यांपासून भारतीय टेनिस स्टार सानिया मिर्झा आणि शोएब मलिक यांच्या घटस्फोटाच्या चर्चा होत्या. त्यांच्या वैवाहिक आयुष्यातील समस्या हा सोशल मीडियावर चर्चेचा विषय ठरला होता. शोएबच्या विवाहबाह्य संबंधांना वैतागून सानियाने त्याला ‘खुला’ दिला होता असं म्हटलं जात आहे. त्यानंतर त्याने सना जावेदशी निकाह केला. आता सानिया आणि शोएबचा एक जुना व्हिडीओ सोशल मीडियावर व्हायरल होत आहे. यामध्ये बॉलिवूडचा किंग अर्थात अभिनेता शाहरुख खान या दोघांना एकमेकांविषयी प्रश्न विचारताना दिसतोय.
शाहरुख खान,शोएब मलिक आणि सानिया मिर्झा यांच्या गप्पा.
एका टेलिव्हिजन शोनिमित्त शाहरुख खान, सानिया मिर्झा आणि शोएब मलिक एकत्र आले होते. यावेळी शाहरुख खान सानिया मिर्झाला विचारतो त्याच्यात तुला असं काय दिसलं, ज्यामुळे तू लगेच लग्न केलंस ?
दिसायला चांगला आहे, क्रिकेटसुद्धा ठिकठाक खेळतो, सर्वकाही उत्तम आहे. पण अशी खास गोष्ट कोणती आहे ? या प्रश्नाचं उत्तर देताना सानिया म्हणते त्याच्यात मी तर बरंच काही पाहिलंय. तो खूप लाजाळू आहे. त्याला थोडं बोलायला तुम्हाला शिकवावं लागेल.
सानियाचं उत्तर ऐकल्यानंतर शाहरुख तिला म्हणतो ते तर मी करेनच. मी त्याला सांभाळून घेईन. तू काळजी करू नकोस. यानंतर तो शोएबकडे वळतो. तुला सानियाबद्दल कोणती गोष्ट आवडली, ज्यामुळे तू तिच्यावर प्रेम करू लागलास असा प्रश्न तो शोएबला विचारतो. यावर उत्तर देताना शोएब म्हणतो विचार करायचा वेळच नाही मिळाला, त्याच्याआधीच लग्न झालं.
