दोघांना एकमेकांवर प्रेम झाले,दोघे सोबत राहिले अन प्रियकर अचानक निघाला पाच मुलांचा बाप….तिने थेट दाखल केला बलात्काराचा गुन्हा ?

(संग्रहित दृश्य.)

३ वर्षांपासून पूजाचे लैंगिक शोषण….

यादरम्यान पोलीस ठाण्यात उपस्थित असलेला आरोपी वसीम सैयद (वय ४५) याने पुजाशी ओळख केली. तिला पोलीस ठाण्याच्या कामात मदत करण्याचे आमिष दाखवले. तसेच सासरकडून मिळालेल्या घराचा सौदा करुन विक्री करुन देण्याचा विश्वास दर्शविला. त्या माध्यमातून वसीम आणि पूजा यांचे नेहमी फोनवरुन बोलणे व्हायचे. पूजा ही दोन मुलांसह एकटीच राहत असल्याचे वसीमने हेरले. त्याने पुजला प्रेमाच्या जाळ्यात ओढले. तिला अविवाहित असल्याचे सांगितले. दोन्ही मुलांचा सांभाळ करुन लग्न करण्याचे आमिष दाखवले. त्यावर ती भाळली वसीमने तिच्या एकटेपणाचा गैरफायदा घेत तिच्यावर बलात्कार केला. गेल्या ३ वर्षांपासून पूजाचे लैंगिक शोषण करणे सुरु केले. वसीमने पूजाचे ९ लाख रुपयांत घर विकले आणि ७ लाख रुपयांत एक भूखंड विकला. अशाप्रकारे १६ लाख रुपये घेऊन वसीमने पुजाची फसवणूक केली. पूजा आणि वसीमने हुडकेश्वर पोलीस ठाण्याच्या हद्दीत भाडोत्री खोली करुन लिव्ह अँड रिलेशनशिपमध्ये राहायला लागले. पूजाने वसीमला वारंवार लग्नासाठी तगादा लावला. त्याने प्रत्येकवेळी काहीतरी कारण सांगून टाळाटाळ केली. तसेच तो आठवड्यातून फक्त दोनच दिवस घरी यायला लागला. त्यामुळे पुजाला संशय आला. तिने वसीमवर नजर ठेवून त्याचे घर गाठले. घरात त्याची पत्नी आणि पाच मुले दिसून आली. प्रियकर विवाहित असल्याची माहिती मिळताच दोघांमध्ये वाद झाला.