वाल्मिक कराडपेक्षाही मोठा गुन्हेगार आहे खिंडकर ! तीन गावे खिंडकरच्या दहशतीमध्ये…..ठाकरे गटाच्या जिल्हाप्रमुखानं केल नवीन आकाच नाव जाहीर ?

धनंजय देशमुख यांचा साडू दादा खिंडकर याने तरुणाला अमानुष मारहाण केल्याचा व्हिडिओ व्हायरल झाल्याने एकच खळबळ उडाली आहे. दादा खिंडकर याच्यावर पिंपळनेर पोलीस ठाण्यात गुन्हा दाखल केला होता. त्यानंतर आज दादा खिंडकर पोलीस अधीक्षक कार्यालयात पोलिसांना शरण आला आहे. दादा खिंडकर याला पिंपळनेर पोलिसांनी ताब्यात घेतले. दादा खिंडकरला अटक केल्यानंतर ठाकरे गटाचे जिल्हाप्रमुख परमेश्वर सातपुते यांनी खिंडकर याच्यावर गंभीर आरोप केले आहेत. खिंडकर याने सातपुते यांच्या घरावर हल्ला चढवत त्यांच्या गाडीची तोडफोड केली होती. या प्रकरणात त्याच्यावर गुन्हा देखील दाखल आहे. दादा खिंडकर याच्यावर घरफोडी जीवे मारण्याचा प्रयत्न करणे, असे अनेक गंभीर गुन्हे दाखल आहेत. त्याच्या दहशतीखाली ग्रामपंचायत अंतर्गत तीन गावे आहेत. तो वाल्मीक कराड पेक्षाही मोठा गुन्हेगार आहे. त्यामुळे त्याच्यावर मोकोका अंतर्गत कारवाई करून अटक करावी, अशी मागणी परमेश्वर सातपुते यांनी केली आहे. तर दादा खिंडकर हा माजी आमदार अमरसिंह पंडित आणि विद्यमान आमदार विजयसिंह पंडित यांच्या गटाचा आहे. अमरसिंह पंडित यांनीच त्याची पाठराखण केली. त्यामुळे अमरसिंह पंडित हाच खिंडकरचा अका असल्याचा गंभीर आरोप सातपुते यांनी केला आहे.

(संग्रहित दृश्य.)

खिंडकर शरण आला.

दादा खिंडकर याचा एक जूना व्हिडिओ सोशल मीडियावर मोठ्या प्रमाणात व्हायरल होत होता. त्यात ओमकार सातपुते याला दादा खिंडकर मारहाण करत असल्याचे दिस आहे. या व्हिडिओतून अमानुष पद्धतीने मारहाण केल्याचे समोर आले. ओमकार सातपुते हा शिवसेना उद्धव बाळासाहेब ठाकरे गटाचे जिल्हाप्रमुख परमेश्वर सातपुते यांचा चुलत भाऊ आहे. खिंडकर याच्यावर पिंपळनेर पोलीस ठाण्यात रात्री उशिरा गुन्हा दाखल करण्यात आला. यानंतर त्याचा शोध घेण्यासाठी पोलिसांनी पथक रवाना केले होते. यादरम्यान आज सकाळी साडेदहा वाजता तो बीडच्या पोलीस अधीक्षक कार्यालयात खिंडकर शरण आला. यानंतर त्याला पिंपळनेर पोलिसांनी ताब्यात घेत आता पुढील कायदेशीर कार्यवाही सुरू केली आहे.