आर्थिक फसवणूक झाल्याने व्यापाऱ्याची गळफास घेऊन आत्महत्या ; सातजणांविरुद्ध गुन्हा दाखल.

(संग्रहित दृश्य.)

 राहत्या घरात गळफास घेऊन आत्महत्या.

पोलिसांनी दिलेल्या माहितीनुसार,रमजान आली यांचा कपड्यांचा व्यवसाय होता. त्यांची पत्नी एका शाळेत शिक्षिका आहे. रमजान यांना गुंतवणुकीवर परतावा देण्याचे आमिष दाखवून आरोपींनी त्यांच्याकडून ५० लाख रुपये उकळले. त्यासाठी त्यांनी बँकेचे कर्जही घेतले होते. आर्थिक अडचणीमुळे त्यांनी पैसे परत मागितले. तेव्हा आरोपींनी त्यांना नकार दिला. आरोपींनी त्यांना त्रास दिल्याने त्यांनी राहत्या घरात गळफास घेऊन आत्महत्या केली. सुरुवातीला याप्रकरणी खडक पोलीस ठाण्यात अकस्मात मृत्यू अशी नोंद करण्यात आली होती. रमजान यांच्या पत्नीने दिलेल्या फिर्यादीनंतर पोलिसांनी आत्महत्येस प्रवृत्त केल्याप्रकरणी सातजणांविरुद्ध गुन्हा दाखल केला. सहायक पोलीस निरीक्षक कुलदीप व्हटकर तपास करत आहेत.