नांदेडमधील एक १६ वर्षांच्या अल्पवयीन मुली सोबत गावातीलच उपसरपंचाने अनैतिक संबंध ठेवले. अनैतिक संबंधांमधून अल्पवयीन मुलगी गरोदर राहिली. मागील महिन्यात नांदेड शहरातील शासकीय रुग्णालयात तिची प्रस्तुती झाली. तिने एका मुलीला जन्म दिला. मात्र आता गावात बभ्रा होईल या भीतीने नवजात बाळाला विकल्याची चर्चा आहे. तामसा पोलीस ठाण्याच्या हद्दीतील ही घटना आहे. आरोपी हा गावातील उपसरपंच असून वर्षभरापूर्वी गावातीलच एका अल्पवयीन मुलीला गुंगीच्या गोळ्या खाऊ घालत त्याने लैंगिक अत्याचार केला. मुलगी गर्भवती राहिली आणि महिनाभरापूर्वी तिची प्रसूती करण्यात आली. आता हे सगळं प्रकरण दाबण्यासाठी आरोपी उपसरपंच बाबुराव तुपे कर यांनी पीडित मुलीने जन्म दिलेल्या बाळाला विकल्याचा संशय आहे. या प्रकरणाने संपूर्ण नांदेड शहर हादरले आहे. आरोपी उपसरपंच बाबुराव तुपेकर याला नांदेड पोलिसांनी तात्काळ अटक केली असून त्याच्यावर पोक्सो अंतर्गत गुन्हा नोंदवण्यात आला आहे. या घटनेचा पुढील तपास पोलीस करत आहेत. गेल्या वर्षभरापासून हे प्रकरण दाबण्याचा प्रयत्न सुरु असून आता पीडित मुलीच्या बाळाला विकण्यात आल्याचा संशय व्यक्त केल्याने हे प्रकरण उघडकीस आले आहे.
