त्या पोलीस कर्मचाऱ्याचा अपघात ; अत्याधुनिक पध्दतीमुळे चारचाकीचे दार झाले लॉक, दार न उघडल्याने होरपळून जागीच मृत्यू. !

कार्यकर्ते व पोलीस निरीक्षक यांनी घटनास्थळी घेतली धाव….

घटनेची माहिती मिळताच सामाजिक कार्यकर्ते संजय कोठारी हे त्या घटनास्थळी आले. यानंतर जामखेडचे पोलीस निरीक्षक महेश पाटील यांनीही आपल्या सहकाऱ्यांसह घटनास्थळी धाव घेतली. जामखेड नगर परिषदेच्या अग्निशमन दलाने हि आग विझवली. अग्नीशमन दलाचे आय्यास शेख, विजय पवार, अहमद शेख या जवानांनी त्यासाठी प्रयत्न केले. चारचाकी वाहन पूर्ण जळुन खाक झाले आहे.  तर या घटनेत दोघांचाही जागीच मृत्यू झाला. घटनास्थळी कर्जतचे उपविभागीय पोलीस अधिकारी विवेकानंद वाखारे यांनी भेट देऊन पाहणी केली. घटनास्थळीच वैद्यकीय अधिकारी डॉ. शशांक शिंदे यांनी शवविच्छेदन केले. अपघातील मृत महेश काळे याचे बीड रस्त्यावर साईनाथ पान शॉप दुकान आहे. अधिक तपास तपास पोलीस निरीक्षक महेश पाटील करत आहेत.

(संग्रहित दृश्य.)

रस्त्याचा प्रश्न मार्गी लावण्याची मागणी….

जामखेड-सौताडा राष्ट्रीय महामार्गाचे काम गेल्या दोन वर्षापासून अपुर्ण आहे. रस्त्यांवरील खड्डे , दिशादर्शक फलक, तसेच रेडियम कुठेही नाहीत, मधेच काही ठिकाणी डिव्हाइडर तसेच डिव्हाइडरसाठी सोडलेल्या जागेवर खड्डे यामुळे अनेक अपघात होत आहेत. यामुळे लवकरात लवकर जामखेड-सौताडा राष्ट्रीय महामार्गावरील रस्त्याचा प्रश्न मार्गी लावावा अशी मागणी सामाजिक कार्यकर्ते संजय कोठारी यांनी केली आहे.