रामदास आठवलेंसारखा मंत्री होण्यापेक्षा माझा पक्ष बंद केलेला बरा.- राज ठाकरे

(संग्रहित दृश्य.)

लाडकी बहिण योजनेचं काय होणार ? 

लाडकी बहिण योजनेचं काय होणार आहे ? यापेक्षा कोणतीच गोष्ट कोणालाही फुकट देऊ नये. कारण तुमच्याकडे कोणी काही फुकट मागत नसतं. महाराष्ट्रामधील ज्या माझ्या भगिनी आहेत त्या भगिनींना सक्षम बनवा. चांगले उद्योगधंदे आणा, चांगल्या गोष्टी करा, त्यांना सक्षम बनवा त्यांच्याकडे त्यांच्या मेहनतीचे पैसे येऊ द्या. त्यांनी कुठलं म्हटलं आहे फुकटं येऊ द्या. अशा शब्दात मनसे अध्यक्ष राज ठाकरे यांनी लाडकी बहिण योजनेवरून फटकारलं आहे. राज ठाकरे यांनी राज्यात मनसेच्या साथीनं महायुतीचा मुख्यमंत्री होईल. असा दावा केला आहे. तसेच हे सोपं नसल्याचेही म्हटले आहे. महाराष्ट्रात जो राजकीय चिखल झाला आहे त्याला शरद पवार कारणीभूत असल्याचा आरोप राज ठाकरे यांनी केला आहे. त्यांनीच फोडाफोडीची सुरुवात केल्याचे राज ठाकरे म्हणाले. अजित पवार यांनी कधीच जातीपातीचं राजकारण केलं नाही, ही त्यांची एक आवडणारी गोष्ट असल्याचे ते म्हणाले.  राज ठाकरे यांनी रामदास आठवलेंवर निशाणा साधला. मंत्री किंवा मुख्यमंत्री होऊ न शकल्याच्या मुद्द्यावर बोलताना राज ठाकरे म्हणाले की, रामदास आठवलेंसारखा मंत्री होण्यापेक्षा माझा पक्ष बंद केलेला बरा. लोक काय विचार करतात याची मला पर्वा नाही. पक्ष चालवताना अनेक अडचणी येतात, हे बाहेर बसून समजू शकत नाही.