ठाणे : राज्याचे माजी गृहराज्यमंत्री सतेज पाटील यांच्या पुतण्यावर बलात्काराचा गुन्हा दाखल झाला आहे.लैंगिक अत्याचार करून गर्भपात करण्यास भाग पाडल्याचा आरोप सतेज पाटील यांचे पुतणे पृथ्वीराज पाटील यांच्यावर आहे. याप्रकरणी मिळालेल्या माहितीनुसार २९ वर्षीय तरुणीने यासंदर्भात तक्रार दिलीआहे. या तक्रारीच्या आधारे पोलिसांनी गुन्हा दाखल केला आहे. पृथ्वीराज पाटील यांच्यावर हा गुन्हा दाखल करण्यात आला असून या घटनेने महाराष्ट्रभर संताप व्यक्त करण्यात येत आहे. पीडित तरूणी ठाण्यातील आहे, त्या तरुणीची पृथ्वीराज पाटील यांच्यासोबत ओळख होती, तिने दिलेल्या तक्रारीनुसार या संदर्भात गुन्हा दाखल करण्यात आला असून अधिक तपास पोलीस करत आहेत.

(संग्रहित दृश्य.)

पिडीतेचा गर्भपात…..

राज्याचे माजी गृहराज्यमंत्री सतेज पाटील यांच्या पुतण्याच्या विरोधात ठाण्यातील कापूरबावडी पोलिस ठाण्यात बलात्काराचा गुन्हा दाखल झाला आहे. पृथ्वीराज पाटील आरोपीचे नाव असून डॉ. डी. वाय. पाटील यांचे ते नातू आहेत. कापूरबावडी भागातील महाविद्यालयीन विद्यार्थिनीला लग्नाच्या आमिषाने लैंगिक अत्याचार करून तिला गर्भपात करण्यासही भाग पाडल्याचा आरोप पृथ्वीराज पाटील यांच्यावर करण्यात आला आहे. उच्चभ्रू संकुलात राहणाऱ्या २९ वर्षीय वैद्यकीय शाखेच्या विद्यार्थिनीवर वारंवार अत्याचार झाल्याची माहिती पिडीतेने दिली आहे. ठाणे, नवी मुंबई आणि प्रामुख्याने पृथ्वीराज पाटील यांच्या कोल्हापुरातील बंगल्यावर हे प्रकार घडले असल्याची माहिती पिडीतेने दिली आहे. अनेकवेळा तिच्यावर हल्लाही करण्यात आला असल्याचा आरोप पिडीतेने केला आहे. धमकावून तिला कोल्हापुरात गर्भपात करण्यास भाग पाडल्याचाही धक्कादायक आरोप पीडितेने कापूरबावाडी पोलिस ठाण्यात दाखल केलेल्या तक्रारीत केला आहे. पीडित तरुणीने पोलिसांना गर्भपात केल्याचा रुग्णालयाचा अहवाल आणि तिच्यासोबत केलेल्या चॅटिंगचा पुरावाही दिला असल्याची प्राथमिक माहिती आहे. एका वृत्तसंस्थेने दिलेल्या माहितीनुसार, पीडित तरुणीने पोलिसांना गर्भपात केल्याचा रुग्णालयाचा अहवाल आणि तिच्यासोबत केलेल्या चॅटिंगचा पुरावा देखील दिला आहे. आरोपी पृथ्वीराज पाटील हा संजय पाटील यांचा मुलगा असून डी.वाय. पाटील ग्रुपचे विश्वस्त देखील आहेत.