भाजपच्या त्या माजी खासदाराकडून राष्ट्रवादीच्या माजी.उपनगराध्यक्षांसह ७६ वर्षांच्या आईला मारहाण ; गुंडगिरी विरूध्द शनिवारी राष्ट्रवादी काँग्रेसच्यावतीने निषेध सभेचे आयोजन. !

या घटनेबाबत  माजी खासदार संजय पाटील यांनी सांगितले कि शुक्रवारी रात्री स्वीय सहायक खंडू होवाळे यांना अय्याज मुल्ला, बाळासाहेब पाटील व पिंटू कोळेकर या तिघांनी मारहाण केली होती. ही माहिती मिळताच आज विचारणा करण्यासाठी मी  अय्याज मुल्ला यांच्या घरी गेलो होतो. मात्र त्यांची भाषा अर्वाच्च व ताणून मारण्याची होती. यामुळे संतप्त झालेल्या एका कार्यकर्त्याने दोन थोबाडीत लगावल्या. होवाळे याला झालेल्या मारहाण प्रकरणी पोलीस ठाण्यात  रितसर तक्रार  दाखल करण्यात येणार असल्याचे त्यांनी सांगितले आहे. दरम्यान अय्याज मुल्ला यांनी दिलेल्या तक्रारीनुसार माजी खासदार संजय पाटील यांच्याविरूध्द गुन्हा दाखल करावा या मागणीसाठी राष्ट्रवादी कॉंग्रेस (शरद पवार) गट आक्रमक झाला असून आमदार सुमन पाटील, रोहित पाटील यांच्यासह जमाव पोलीस ठाण्याच्या आवारात ठाण मांडून बसला होते. या प्रकारावरून कवठेमहांकाळमध्ये तणाव निर्माण झाला असून पोलीस बंबोबस्त  वाढविण्यात आला आहे. आमदार सुमन पाटील व  रोहित पाटील हे कार्यकर्त्यांसह पोलीस ठाण्यात जमले आहेत. गुंडगिरी विरूध्द शनिवारी राष्ट्रवादी काँग्रेसच्यावतीने निषेध सभेचे आयोजन करण्यात आल्याचे यावेळी सांगण्यात आले आहे. या घटनेप्रकरणी परस्पर विरोधी गुन्हे दाखल करण्याची प्रक्रिया सुरू असल्याची माहिती कवठेमहांकाळ पोलीस ठाण्याचे प्रभारी पोलीस निरीक्षक ज्योतीराम पाटील यांनी माध्यमांना दिली आहे.