धनंजय मुंडे लायकी नसलेला माणूस ; धनंजय मुंडेबद्दल हे शेवट,यापुढे बोलणार नाही अस म्हणणारे शरद पवारांचे ते व्हिडीओ पुन्हा व्हायरल. !

(संग्रहित दृश्य.)

धनंजय मुंडे लायकी नसलेला माणूस…….

मागच्या वर्षी लोकसभा निवडणुकीचा प्रचार मे महिन्यात सुरु होता. जुलै २०२३ मध्ये अजित पवार यांनी ४१ आमदारांना बरोबर घेत महायुतीसह जाण्याचा निर्णय घेतला होता. त्यामुळे शरद पवार आणि अजित पवार यांच्यात टोकाचे मतभेद झाले. याबाबत बोलताना धनंजय मुंडे म्हणाले होते की तुम्ही (शरद पवार) पुलोद सरकार स्थापन केलं ते संस्कार आणि अजित पवार महायुतीबरोबर गेले तर ते गद्दार ? शरद पवारांनी भाजपाशी चर्चा केल्या होत्या. शिवसेनेला बाजूला ठेवण्याचा आग्रह केला. ते सगळे संस्कार होते आम्ही निर्णय घेतला तर आम्ही गद्दार ? ही निवडणूक भाऊबंदकीची नाही. देशाचा पंतप्रधान ठरवण्याची ही निवडणूक आहे. देशाचा पंतप्रधान मोदी होतील की इतर कोण ? हे ठरवण्याची ही निवडणूक आहे. याबाबत शरद पवार यांना विचारलं असता धनंजय मुंडे लायकी नसलेला माणूस आहे असं त्यांनी म्हटलं होतं.

(संग्रहित दृश्य.)

त्यांना बाहेर फिरणं मुश्कील होईल….

धनंजय मुंडे म्हणजे लायकी नसलेला माणूस. त्यांना कशा कशांतून बाहेर काढलं आहे हे जर सांगितलं तर त्यांना बाहेर फिरणं मुश्कील होईल. एकंदरीत त्यांनी केलेले उद्योग आणि इतर गोष्टींबाबत मी आत्ता बोलू इच्छित नाही. एका लहान कुटुंबातला उदयोन्मुख तरुण नेता म्हणून त्यांना हाताला धरुन विरोधी पक्षनेत्याची जबाबदारी दिली. लोकांची नाराजी होती तरीही मी त्यांना ही जबाबदारी दिली. हे सगळं माहीत असतानाही ते माझ्यावर व्यक्तिगत हल्ले करु लागले आहेत. कुटुंबावर हल्ले करत आहेत. मी त्यांच्याबाबत आज जे बोललो ते शेवटचं यापुढे बोलणार नाही.