तर धनंजय मुंडेंवरही कारवाई होणार ….. मुंडेंनी राजीनामा देताच शिंदे गटाच्या मंत्र्याचे विधान,मुंडेंच्या अडचणी वाढणार !

संजय शिरसाट म्हणाले, बीड जिल्ह्यातील केज तालुक्यातील मस्साजोग या गावचे सरपंच संतोष देशमुख यांची निर्घृणपणे हत्या करण्यात आली होती. त्या घटनेचा सर्वांनीच निषेध नोंदवला होता. मुख्यमंत्री देवेंद्र फडणवीस यांनी त्या घटनेवर भाष्य करताना सांगितलं होतं की या प्रकरणी दोषींवर कठोर कारवाई होईल. कोणालाही माफी मिळणार नाही. गुन्हेगारांना कडक शासन होईल. आता या प्रकरणाचा तपास चालू आहे. सीआयडीने याप्रकरणी दोषारोप पत्र दाखल केलं आहे. आता याप्रकरणी सुनावणी होईल. या हत्याप्रकरणात जो कोणी आरोपी निष्पन्न होईल त्याला कठोर शिक्षा होईल. न्यायालय आरोपींना जी शिक्षा देईल ती शिक्षा आपल्याला मान्य करावी लागेल असे फडणवीस यांनी स्पष्ट सांगितले होते.

(संग्रहित दृश्य.)

काही संशयास्पद आढळलं तर…

सामाजिक न्याय मंत्री संजय शिरसाठ म्हणाले कि या प्रकरणी धनंजय मुंडे यांचे नाव घेतलं जात होतं. धनंजय मुंडे वाल्मिक कराडचा आका आहे वगैरे नावं घेतली जात होती. धनंजय मुंडे देखील आरोपी आहेत, असं चित्र रंगवलं जात होतं. मात्र आता त्यांनी तब्येतीचं कारण दाखवत मंत्रिपदाचा राजीनामा दिला आहे. त्यामुळे त्या प्रकरणावर आता पडदा पडला आहे. तब्येतीचे कारण देऊन राजीनामा दिला असला तरी या प्रकरणात ज्याचा कोणाचा हात असेल त्याला कठोर शिक्षा होईल हे निश्चित आहे. धनंजय मुंडे यांनी आता राजीनामा दिला आहे. तो मुख्यमंत्री देवेंद्र फडणवीस यांनी स्वीकारला असून पुढील कार्यवाहीसाठी राज्यपालांकडे पाठवला आहे. दुसऱ्या बाजूला संतोष देशमुख हत्या प्रकरणाचा तपास चालू आहे. या तपासात काही संशयास्पद आढळलं तर धनंजय मुंडेंवरही कारवाई होईल अस त्यांनी म्हंटले आहे.