महाराष्ट्राच्या कोट्यावधी जनतेच्या मेंदूला मुंग्याच…!

कोणी एकनिष्ठ नेता देता का,एकनिष्ठ नेता ….

एकनिष्ठ कार्यकर्त्यांचे हाल, निष्ठतेविना अब्रू चव्हाट्यावर  ..!

धर्मवीर प्रदर्शित करून एकनाथ शिंदेंनी ठाकरेंची डरकाळीच गायब केली. ? 

शिवसेनेच्या १६ आमदारांच्या निलनंब प्रकरणाच्या निकालाचं लेखन करण्यासाठी विधानसभा अध्यक्ष राहुल नार्वेकर यांनी सुप्रीम कोर्टात २१ जानेवारीपर्यंत वेळ वाढवून मागितला होता. सुप्रीम कोर्टानं राहुल नार्वेकर यांना थोडासा दिलासा दिला आहे. राहुल नार्वेकर यांना शिवसेना आमदार अपात्रता प्रकरणावर अंतिम निर्णय घेण्यासाठी १० जानेवारीची मुदत देण्यात आली आहे.शिवसेना आमदार अपात्रता प्रकरणात राहुल नार्वेकर यांना थोडासा दिलासा मिळाला आहे. राहुल नार्वेकर यांच्यावतीनं तुषार मेहता यांनी तीन आठवड्यांचा वेळ मागितला. ठाकरे गटाचे वकील कपिल सिब्बल यांनी अध्यक्षांकडून वेळकाढूपणा होत असल्याचा युक्तिवाद केला होता. राहुल नार्वेकर यांनी तीन आठवड्यांचा वेळ मागितला होता. मात्र, सुप्रीम कोर्टानं राहुल नार्वेकर यांना १० जानेवारीपर्यंत वेळ दिला आहे.राहुल नार्वेकर यांनी सुप्रीम कोर्टाकडे बाजू मांडताना २० डिसेंबरपर्यंत निर्णय सुरक्षित ठेवणार असल्याचं म्हटलं आहे. सुप्रीम कोर्टातील यापूर्वीच्या सुनावणीत या बाबतचा अंतिम निर्णय ३१ डिसेंबरपर्यंत घेण्याचे आदेश राहुल नार्वेकर यांना दिला होता. आता, राहुल नार्वेकर यांना १० दिवसांची मुदतवाढ मिळाली आहे.

१० जानेवारीपर्यंत राहुल नार्वेकर यांना निर्णय घ्यावा लागणार

राहुल नार्वेकर यांच्या वकिलांनी सुप्रीम कोर्टात २१ जानेवारीपर्यंत निकाल जाहीर करण्यास मुदतवाढ मागण्यात आली होती. राहुल नार्वेकर यांच्या मागणीवर सुप्रीम कोर्टानं १० दिवसांचा वेळ वाढवून दिला आहे. त्यामुळं आता शिवसेनेच्या १६ आमदारांच्या अपात्रता प्रकरणाचा निकाल १० जानेवारीपर्यंत लागणार आहे.

मुंबई आणि नागपूरमध्ये सुनावणी

राहुल नार्वेकर यांनी सुप्रीम कोर्टात यापूर्वी झालेल्या सुनावणीत शिवसेनेच्या १६ आमदारांच्या अपात्रता प्रकरणाचा निकाल देण्यासाठी ३१ जानेवारीची मुदत मागितली होती. मात्र सुप्रीम कोर्टानं ३१ डिसेंबरची मुदत दिली होती. यानंतर राहुल नार्वेकर यांनी मुंबईत आणि नंतर हिवाळी अधिवेशन सुरु झाल्यानंतर नागपूरमध्ये सुनावणी घेतली होती. यामध्ये एकनाथ शिंदे यांची शिवसेना आणि शिवसेना उद्धव बाळासाहेब ठाकरे पक्षाच्यावतीनं जोरदार युक्तिवाद करण्यात आला होता.

विधानसभाध्यक्ष राहुल नार्वेकर यांच्यासमक्ष शिवसेना आमदारांच्या अपात्रतेबाबत नागपुरात सुनावणी सुरू आहे. शनिवारी खासदार शेवाळे यांची साक्ष नोंदवण्यात आली. ठाकरे गटाचे वकील देवदत्त कामत यांनी शेवाळे यांच्यावर प्रश्नांची सरबत्ती केली. यावर शिंदे गटाचे वकील अनिल साखरे यांनी आक्षेप घेतला. त्यामुळे उभय पक्षांत शाब्दिक चकमक झाल्याचे समजते. सुमारे चार तास सुनावणी चालल्याची माहिती आहे. शिवसेना खासदारांची २५ जून, २०२२ पूर्वी बैठक झाली होती. त्यात पुन्हा राष्ट्रीय लोकशाही आघाडीसोबत जाण्याचा निर्णय त्यांनी घेतला. गेल्या निवडणुकीत मोठ्या प्रमाणात खासदार निवडून आल्याने त्यांच्यासोबत निवडणूक सोबत लढवावी. उद्धव ठाकरे यांना सदस्यांच्या भावना पोहोचवल्या असता त्यांनी ‘कळवतो’ असे सांगितले, असा दावा खासदार राहुल शेवाळे यांनी केला.येत्या मंगळवारपर्यंत उलटतपासणी पूर्ण करा, असे निर्देश अध्यक्ष राहुल नार्वेकर यांनी दिले. १८ तारखेपासून युक्तिवाद सुरू होऊन २३-२३ तारखेपर्यंत ही प्रक्रिया पूर्ण होण्याची शक्यता आहे. उलटतपासणी अद्याप सुरू असल्याने यावर अधिक बोलणे योग्य होणार नाही, असे खासदार राहुल शेवाळे यांनी  सांगितले. त्यांची परत उलटतपासणी होणार असून दीपक केसरकर आणि उदय सामंत यांचीही उलटतपासणी होणार आहे.

आघाडीसोबत जाण्यास विरोध

पंतप्रधान नरेंद्र मोदी यांच्या नेतृत्वात झालेला विकास आणि त्यांच्या चेहऱ्यांमुळे पक्षाच्या उमेदवाराला भरघोस मते मिळाली. ‘दुकान बंद करेन पण काँग्रेससोबत जाणार नाही’, असे शिवसेनाप्रमुख बाळासाहेब ठाकरे म्हणायचे. त्यामुळे काँग्रेस वा महाविकास आघाडीसोबत जाण्यास विरोध असल्याचे उद्धव ठाकरे यांना कळवले होते, असे शेवाळे म्हणाले. त्यावर ‘लेखी कळवले का’, असा सवाल कामत यांनी केला, यावर शेवाळे यांनी ‘नाही’, असे उत्तर देत मौखिक सांगितल्याचे स्पष्ट केले.

 सुरतलाच का गेले ?  शिवाजीराजे सुरतेला गेले होते, त्यामुळे मी गेलो!

 सुरत हे छान शहर आहे, असे ऐकले होते. शिवाजी महाराज तेथे गेले होते त्यामुळे मीसुद्धा गेलो, असे उत्तर शिवसेनेचे मुख्य प्रतोद (शिंदे गट) भरत गोगावले यांनी उलट तपासणी दरम्यान दिले. शिवसेना आमदारांच्या अपात्रतेसंदर्भात आतापर्यंत मुंबईत सुरू असलेली उलट तपासणी सध्या हिवाळी अधिवेशनात विधानसभेचे अध्यक्ष राहुल नार्वेकर यांच्यासमक्ष सुरू आहे. यात मंगळवारी शेवाळे यांची उर्वरित साक्ष नोंदविण्यात आली. उद्धव ठाकरे गटाचे वकील वरिष्ठ अधिवक्ता देवदत्त कामत यांनी यावेळी गोगावले यांची उलटतपासणी घेतली. शिंदे गटाचे प्रतोद या नात्याने त्यांची साक्ष महत्त्वाची समजली जाते.

कामत यांनी विचारले, २० जून रोजी राज्यातून बाहेर पडताना तुम्ही सुरत शहरच का निवडले ? यावर गोगावले म्हणाले, शिवाजी महाराज सुरतेला गेले होते त्यामुळे मीसुद्धा गेलो. ४ जुलै २०२२ रोजी हॉटेल प्रेसिडेंट मध्ये ४० आमदार उपस्थित होते. आपण त्यांना स्वत:हून व्हीप त्यांच्या हाती दिला. मात्र उर्वरित १५ आमदारांना व्हॉट्सॲपवरून व्हीप पाठविण्यात आल्याचे गोगावले यांनी कबूल केले. हा व्हीप ९०४९५५५०७० या क्रमांकावरून पाठविण्यात आला होता. मात्र हा क्रमांक आपल्या नावाने नोंदणीकृत नसून आपला मित्र संतोष कदम यांच्या नावे आहे, असेही गोगावलेंनी मान्य केले. आम्ही सगळे गुहावटीला स्वत:च्या पैशांनी गेलो. कामाख्या देवीच्या दर्शनाला स्वत:च्या पैशाने जावे, असे वाटल्याने आमच्या तिकीटाचे पैसे आम्ही स्वत: भरले, असे गोगावले यांनी यावेळी सांगितले.

शिवसेना पक्षात २०१३ ते २०१८ या काळात झालेल्या पक्षांतर्गत निवडणुका नियमानुसार झाल्या नव्हत्या, असे उत्तर उलटतपासणीत शिवसेनेचे (शिंदे गट) राहुल शेवाळकर यांनी दिले. मात्र २०१८मध्ये आदित्य ठाकरे यांची युवा सेना प्रमुख पदी निवड झाल्याबद्दल खुद्द शेवाळे यांनीच ट्विट केले होते, असे निदर्शनास आणण्याचा प्रयत्न उद्धव ठाकरे गटाचे वकील देवदत्त कामत यांनी केला आहे. त्यामुळे शेवाळेंना त्यांचे ट्विट महागात पडणार की काय आणि यामुळे त्यांच्या साक्षीत विरोधाभास निर्माण होणार काय ? अशी चर्चा राजकीय वर्तुळात रंगत आहे.

सत्तांतराच्या घटनाक्रमादरम्यान २१ जून रोजी आपल्यावर हल्ला झाला होता, अशी माहिती यावेळी दिपक केसरकर यांनी दिली. ‘जेव्हा मी माझ्या कारकडे गेलो तेव्हा माझ्या कारवर हल्ला झाला आणि काही स्थानिक कार्यकर्त्यांनी घेरले आणि कोणीतरी हस्तक्षेप केल्यानंतर त्यांनी माझी कार जाऊ दिली. पण माझ्या मागे दोन गाड्या होत्या. त्या गाड्या माझ्या राहत्या घराजवळ पार्क केल्या होत्या. मी अनिल देसाई यांना फोन केला. त्यांना सांगितले की त्या गाड्या तिथून हटवा. मला सुरक्षित वाटत नाही आणि त्या गाड्या त्याच ठिकाणी राहिल्या तरी मला माझी काम पार पाडताना सुरक्षित वाटणार नाही. मी पत्रकार परिषद बोलावतो. त्यांना या घटनेबद्दल सांगतो असे मी देसाईंना सांगितले होते, अशी माहिती यावेळी केसरकरांनी दिली.

या प्रकरणी बच्चू कडुंची साक्ष नोंदविली जाणार होती. मात्र काही कारणांस्तव ते हजर राहू न शकल्याने त्यांची साक्ष नोंदविण्यातच आली नाही. मंगळवारी साक्षी पुरावे नोंदविण्याची प्रक्रिया संपुष्टात आली. आता १८ ते २० डिसेंबर दरम्यान दोन्ही पक्षांकडून युक्तिवाद होणे अपेक्षित आहे. दोन्ही पक्षांकडून लेखी व तोंडी दोन्ही स्वरुपात युक्तिवाद होणार आहे.